ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЖІКТЕУІШІ
Экономикалық қызмет түрлері бойынша өнімдер жіктеуіші
ҚР МК 04-2008
Мазмұны
1 Қолданылу саласы
2 Нормативтік сілтемелер
3 Терминдер мен анықтамалар
4 Жалпы ережелер
5 Жіктеуіш құрылымы
6 Жіктеуішті жүргізу
7. Экономикалық қызмет түрлері бойынша өнімдер жіктеуіші
1 Қолданылу саласы
1.1 Экономикалық қызмет түрлері бойынша өнімдердің осы жіктеуіші (ЭҚТӨЖ, бұдан әрі - жіктеуіш) экономикалық қызмет түрлері бойынша өнімді жіктеу және кодтау тәртібін белгілейді және өнім кодтарын белгілейді.
1.2 Жіктеуіш талаптары министрліктер, ведомстволар, өз қызметін Қазақстан Республикасының аумағында жүзеге асыратын, ұйымдастырушылық - құқықтық нысандар мен ведомстволық бағыныстылығына тәуелсіз және техникалық-экономикалық және әлеуметтік ақпаратты кодтау және жіктеу бойынша жұмыстарға қатысатын және (немесе) оларды өз қызметінде қолданатын заңды және жеке тұлғалар үшін міндетті болып табылады.
1.3 Осы жіктеуіштің ережелері:
а) өнімдерді оның экономикалық қызмет түрлерімен функционалды өзара байланысын зерделеуге арналған статистикада;
б) өнімдер бойынша статистикалық деректерді халықаралық салыстыру үшін;
в) өнімдердің (тауарлар мен қызметтердің) ұлттық номенклатурасын әзірлеуге арналған негіз ретінде;
г) өнімдерді сертификаттау және сәйкестендіру бойынша жұмыстарды жүргізу кезінде;
д) стандарттарды және стандарттау жөніндегі нормативтік құжаттарды әзірлеу кезінде қолдануға жатады.
2 Нормативтік сілтемелер
Осы жіктеуіште мынадай нормативтік құжаттарға сілтемелер пайдаланылды:
ҚР СТ 5.0-2005 «Қазақстан Республикасының техникалық реттеудің мемлекеттік жүйесі. Техникалық-экономикалық ақпаратты жіктеу және кодтау жүйесі. Негізгі ережелер».
ҚР СТ 5.2-2005 «Қазақстан Республикасының техникалық реттеудің мемлекеттік жүйесі. Техникалық-экономикалық ақпаратты жіктеу және кодтау жүйесі. Техникалық-экономикалық ақпараттың мемлекеттік жіктеуіштерін жүргізу туралы ереже».
