Жеке тұлғаларды және заңды тұлғалар өкілдерін қабылдауды ұйымдастыру туралы
Қазақстан Республикасы Индустрия және жаңа технологиялар Бірінші вице-министрінің 2012 жылғы 3 қазандағы № 355 бұйрығы
«Жеке және заңды тұлғалардың өтініштерін қарау тәртібі туралы» Қазақстан Республикасы Заңының 13-бабына және «Қазақстан Республикасының орталық және жергілікті атқарушы органдарының жеке тұлғаларды және заңды тұлғалардың өкілдерін қабылдауын ұйымдастыру туралы» Қазақстан Республикасы Үкіметінің 2002 жылғы 4 қыркүйектегі № 974 қаулысына сәйкес БҰЙЫРАМЫН:
1. Қоса беріліп отырған Қазақстан Республикасы Индустрия және жаңа технологиялар министрлігі басшылығының жеке тұлғаларды және заңды тұлғалар өкілдерін қабылдауының 2012 жылдың төртінші тоқсанына арналған кестесі бекітілсін.
2. Бірінші вице-министрдің, жауапты хатшының, вице-министрлердің қабылдауына алдын ала жазуды, қабылдауды ұйымдастыруды және қабылдау карточкаларын толтыру жолымен есеп жүргізуді жүзеге асыру олардың қабылдау бөлмелеріндегі сарапшыларға (іс жүргізушілерге) жүктелсін.
3. Әкімшілік-кадр жұмысы департаменті Қазақстан Республикасы Премьер-Министрінің Кеңсесіне:
1) кезекті тоқсан басталғанға дейін 15 күн бұрын айына кемінде бір рет Бірінші вице-министрдің қабылдауын, ал айдың басқа апталарында жауапты хатшының, вице-министрлердің қабылдауын көздейтін тоқсандық кестелерді;
2) есепті тоқсаннан кейінгі айдың 5 күніне жеке тұлғаларды және заңды тұлғалар өкілдерін Бірінші вице-министрдің, жауапты хатшының, вице-министрлердің қабылдауының нәтижелері туралы ақпаратты ұсынсын.
