Міндетті әлеуметтік сақтандыру және зейнетақымен қамсыздандыру саласындағы мемлекеттік монополия субъектісі іске асыратын көрсетілетін қызметтерге бағаларды бекіту туралы
Қазақстан Республикасы Үкіметінің 2013 жылғы 20 желтоқсандағы № 1370 Қаулысы
ҚР Үкіметінің 2015 жылғы 16 шілдедегі № 532 Қаулысымен күші жойылды
«Міндетті әлеуметтік сақтандыру туралы» 2003 жылғы 25 сәуірдегі Қазақстан Республикасының Заңы 10-1-бабының 3-тармағына және «Қазақстан Республикасында зейнетақымен қамсыздандыру туралы» 2013 жылғы 21 маусымдағы Қазақстан Республикасының Заңы 20-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) міндетті әлеуметтік сақтандыру саласындағы мемлекеттік монополия субъектісі іске асыратын көрсетілетін қызметтердің бағалары;
2) зейнетақымен қамсыздандыру саласындағы мемлекеттік монополия субъектісі іске асыратын көрсетілетін қызметтердің бағалары бекітілсін.
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының Премьер-Министрі | С. Ахметов |
Қазақстан Республикасы
Үкіметінің
2013 жылғы 20 желтоқсандағы
№ 1370 қаулысымен
бекітілген
Міндетті әлеуметтік сақтандыру саласындағы мемлекеттік
монополия субъектісі іске асыратын көрсетілетін қызметтердің бағасы
Р/с № | Көрсетілетін қызмет атауы | Өлшем бірлігі | Бағасы, ҚҚС қоспағанда, теңгемен |
1 | Мемлекеттік әлеуметтік сақтандыру қорының қаражатынан әлеуметтік төлем алушылардың іс макеттерін қалыптастыру | 1 макет | 2 642,83 |
2 | Мемлекеттік әлеуметтік сақтандыру қорының қаражатынан әлеуметтік төлем сомаларын алушылардың шоттарына аудару | 1 төлем | 202,42 |
3 | Міндетті әлеуметтік аударымдарды және (немесе) олар бойынша өсімпұлды агенттерден Мемлекеттік әлеуметтік сақтандыру қорына аудару | 1 төлем тапсырмасы | 7,84 |
4 | Әлеуметтік аударымдардың артық (қате) төленген сомаларын және олар бойынша өсімпұлды төлеушілерге қайтару | 1 төлем тапсырмасы | 594,80 |
5 | Заңды және жеке тұлғаларға ақпараттық көрсетілетін қызметтер ұсыну | 1 ақпарат | 588,79 |
