Музыка, театр және кинематография салалары бойынша репертуарлық саясатты үйлестіру жөніндегі алқа кеңесін құру туралы
Қазақстан Республикасы Мәдениет және ақпарат министрінің 2014 жылғы 3 ақпандағы № 27 бұйрығы
Қазақстан Республикасы «Мәдениет туралы» Заңының 7-бабы 27) тармақшасына сәйкес музыка, театр және кинематография салаларында репертуарлық саясатты үйлестіру мақсатында БҰЙЫРАМЫН:
1. Музыка, театр және кинематография салалары бойынша репертуарлық саясатты үйлестіру жөніндегі алқа кеңесі (бұдан әрі - Алқа кеңесі) құрылсын.
2. Қоса беріліп отырған:
1) Алқа кеңестің құрамы;
2) Алқа кеңесінің ережесі бекітілсін.
3. Осы бұйрықтың орындалуын бақылау Мәдениет комитетінің төрағасы Т. Қышқашбаевқа жүктелсін.
4. Осы бұйрық қол қойылған күнінен бастап қолданысқа енгізіледі.
Қазақстан Республикасы
Мәдениет және ақпарат министрінің
2014 жылғы 3 ақпандағы
№ 27 бұйрығына 1-қосымша
Музыка, театр және кинематография салалары бойынша репертуарлық саясатты үйлестіру жөніндегі алқа кеңесінің
құрамы
Құл-Мұхаммед Мұхтар Абрарұлы | - Қазақстан Республикасы Мәдениет және ақпарат министрі, төраға |
Қышқашбаев Тлеуғали Әшірбекұлы | - Қазақстан Республикасы Мәдениет және ақпарат министрлігі Мәдениет комитетінің төрағасы, төрағаның орынбасары |
Шанин Болат Қасымханұлы | - Қазақстан Республикасы Мәдениет және ақпарат министрінің кеңесшісі |
Аманшаев Ермек Әмірханұлы | - «Ш. Айманов атындағы «Қазақфильм» АҚ президенті, Қазақстан Республикасының еңбек сіңірген қайраткері, Қазақстан театр қайраткерлері одағының және Қазақстан жазушылар одағының мүшесі |
Жаманқұлов Тұңғышбай Қадырұлы | - Қазақстан Театр қайраткерлері одағының төрағасы, Қазақстанның халық артисі, КСРО Мемлекеттік сыйлығының лауреаты |
