Республикалық бюджеттен қаржыландырылатын медициналық ұйымдар үшін медициналық, коммуналдық және өзге де шығыстарға тарифтерді, түзету коэффициенттерін, шығын сыйымдылығының және стационарлық және стационарды алмастыратын көмектің коэффициенттерін бекіту туралы
Қазақстан Республикасы Денсаулық сақтау министрінің міндетін атқарушының 2013 жылғы 8 қаңтардағы № 11 бұйрығы
(2014.05.08 берілген өзгерістер мен толықтырулармен)
Осы редакция 2014 жылғы 31 қазанда енгізілген өзгерістеріне дейін қолданылды
«Әкімшілік рәсімдер туралы» Қазақстан Республикасының 2000 жылғы 27 қарашадағы Заңның 8-бабының 3-тармағына, Қазақстан Республикасы Үкіметінің 2009 жылғы 7 желтоқсандағы № 2030 қаулысымен бекітілген Денсаулық сақтау ұйымдарының шығындарын бюджет қаражатының есебінен өтеу ережесіне, Қазақстан Республикасы Үкіметінің 2012 жылғы 25 қазандағы № 1358 қаулысымен бекітілген Тегін медициналық көмектің кепілдік берілген көлемін көрсету жөніндегі қызметтер берушіні таңдау және оның шығындарын өтеу қағидаларына және Қазақстан Республикасы Денсаулық сақтау министрлігінің Тарифтерді құру жөніндегі комиссияның 2012 жылғы 24 желтоқсандағы № 19 және 2013 жылғы 4 қаңтардағы № 1 хаттамаларына сәйкес БҰЙЫРАМЫН:
ҚР Денсаулық сақтау министрінің 2013.29.08. № 496 Бұйрығымен (бұр.ред.қара); ҚР Денсаулық сақтау министрінің м.а. 2014.19.03. № 143 бұйрығымен (бұр.ред.қара) 1-тармақ өзгертілді
1. Республикалық бюджеттен қаржыландырылатын медициналық ұйымдар үшін:
1) осы бұйрыққа 1-қосымшаға сәйкес клиникалық-шығындық топтар бойынша ақы төленетін стационарлық және (немесе) стационарды алмастыратын көмек көрсететін медициналық ұйымдар үшін базалық тариф (ставкалар) құны;
2) клиникалық-шығындық топтар бойынша жүзеге асырылатын ақы төленетін стационарлық және (немесе) стационарды алмастыратын көмек көрсететін медициналық ұйымдар үшін түзету коэффициенттері;
