Қазақстан Республикасының
Заңы
Жылжымайтын мүлікке құқықтарды мемлекеттік тіркеу
(2015.24.11. берілген өзгерістер мен толықтырулармен)
Осы редакция 2015 жылғы 2 тамызда енгізілген өзгерістеріне дейін қолданылды (ресми жарияланған күнінен кейін алты ай өткен соң қолданысқа енгізіледі)
Осы Заңға өзгерістер енгізу туралы:
ҚР 2015 жылғы 17 қарашадағы № 408-V Заңын қараңыз (2016 жылғы 1 наурыздан бастап қолданысқа енгізіледі)
2011.25.03. № 421-IV ҚР Заңымен тақырыптағы, кiрiспедегі және бүкiл мәтiн бойынша «және онымен жасалатын мәмiлелердi», «және онымен жасалатын мәмілелердің», «және онымен мәмілелерді» деген сөздер алып тасталды (бұр.ред.қара)
Түпнұсқада мазмұны жоқ
Осы Заң жылжымайтын мүлікке құқықтарды мемлекеттік тіркеу саласындағы мақсаттарды, міндеттер мен құқықтық негіздерді айқындайды.
1-тарау. Жалпы ережелер
1-бап. Осы Заңда пайдаланылатын негізгі ұғымдар
Осы Заңда мынадай негізгі ұғымдар пайдаланылады:
1) басым мүдделер - осы Заңға және өзге де заңнамалық актілерге сәйкес құқықтық кадастрда міндетті мемлекеттік тіркеуге жатпайтын және мемлекеттік тіркеусіз жарамды деп танылатын жылжымайтын мүлікке құқықтар (құқықтар ауыртпалықтары);
2) бұрын туындаған құқық (құқықтар ауыртпалығы) - 1996 жылғы 1 наурызға дейін туындаған және ол тиісті құқық туындаған сәтте қолданыстағы заңнамаға сәйкес келген жағдайда жарамды болатын жылжымайтын мүлікке құқық (құқық ауыртпалығы);
