«Қызыл-Жар халықаралық әуежайы» жауапкершілігі шектеулі серіктестігінің Қазақстан Республикасының әуежайларында коммерциялық емес мақсаттарда техникалық қонуды жүзеге асыра отырып, Қазақстан Республикасының әуе кеңістігі арқылы транзиттік ұшып өтуді жүзеге асыратын және халықаралық бағыттар бойынша авиатасымалдарға қызмет көрсетуді қоспағанда, әуежайлар саласындағы реттеліп көрсетілетін қызметтеріне тарифтерді және тарифтік сметаларды оңайлатылған тәртіппен бекіту туралы
Қазақстан Республикасы Көлік министрлігінің Азаматтық авиация комитетінің төрағаның міндетін атқарушының 2024 жылғы 20 наурыздағы № 11 бұйрығы
Осы редакция 2024 жылғы 1 қарашада енгізілген өзгерістеріне дейін қолданылды
«Табиғи монополиялар туралы» 2018 жылғы 27 желтоқсандағы Қазақстан Республикасы Заңының 8-бабы 10) тармақшасы және Қазақстан Республикасы Индустрия және инфрақұрылымдық даму министрінің 2019 жылғы 30 наурыздағы № 171 бұйрығымен бекітілген Тарифтерді қалыптастыру қағидаларының 6-тарауына сәйкес, БҰЙЫРАМЫН:
1-тармақ 2024 ж. 1 сәуірден бастап күшіне енді
1. 2024 жылғы 1 сәуірден бастап қолданысқа енгізілумен «Қызыл-Жар халықаралық әуежайы» жауапкершілігі шектеулі серіктестігіне:
Қазақстан Республикасының әуежайларында коммерциялық емес мақсаттарда және халықаралық бағыттар бойынша техникалық қонуларды жүзеге асыра отырып, Қазақстан Республикасының әуе кеңістігі арқылы транзиттік ұшуларды жүзеге асыратын авиатасымалдарға қызмет көрсетуді қоспағанда, әуе кемесінің ұшып көтерілуін және қонуын қамтамасыз ету бойынша қызметіне арналған тариф және тарифтік смета осы бұйрықтың 1-ші қосымшасына сәйкес;
