Туындыны жеке мақсата көшірмелеу үшін сыйақыны жинау, бөлу және төлеудің кейбір мәселелері туралы
Қазақстан Республикасы Әділет министрінің 2026 жылғы 29 қаңтардағы № 99 бұйрығы
Осы бұйрыққа өзгерістер енгізу туралы ҚР Әділет министрінің 2026 жылғы 8 мамырдағы № 420 бұйрығын қараңыз (2026 ж. 12 шілдеден бастап қолданысқа енгізіледі)
«Авторлық құқық және сабақтас құқықтар туралы» Қазақстан Республикасы Заңының 26-бабының 5-тармағына сәйкес БҰЙЫРАМЫН:
1. Мыналар:
1) Туындыны жеке мақсатта көшірмелеу үшін сыйақыны жинау, бөлу және төлеу қағидалары осы бұйрықтың 1-қосымшасына сәйкес;
2) туындыны жеке мақсатта табыс алмай көшірмелеу үшін сыйақы мөлшері осы бұйрықтың 2-қосымшасына сәйкес бекітілсін.
2. Қазақстан Республикасы Әділет министрлігінің Зияткерлік меншік құқығы комитеті:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты алғашқы ресми жарияланғаннан кейін Қазақстан Республикасы Әділет министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Әділет вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасы Әділет министрі | Е. Сарсембаев |
Қазақстан Республикасы
Әділет министрі
2026 жылғы 29 қаңтардағы
№ 99 бұйрығына
1 қосымша
Туындыны жеке мақсатта көшірмелеу үшін сыйақыны жинау, бөлу және төлеу
қағидалары
1 тарау. Жалпы ережелер
