Банктер, банктің немесе банк холдингінің еншілес ұйымдары сатып алатын заңды тұлғалардың акцияларына (жарғылық капиталға қатысу үлестеріне) қойылатын талаптарды, сондай-ақ банктің заңды тұлғалардың жарғылық капиталына қатысу үлестерінің не акцияларының жиынтық құнын белгілеу туралы
Қазақстан Республикасы Ұлттық Банкі Басқармасының 2019 жылғы 19 тамыздағы № 131 Қаулысы
(2020.23.11. берілген өзгерістермен)
«Қазақстан Республикасындағы банктер және банк қызметі туралы» 1995 жылғы 31 тамыздағы Қазақстан Республикасының Заңына (бұдан әрі - Банктер туралы заң) сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:
ҚР Қаржы нарығын реттеу және дамыту агенттігі Басқармасының 2020.23.11. № 113 Қаулысымен 1-тармақ өзгертілді (бұр.ред.қара)
1. Мыналар белгіленсін:
1) банктер, банктердің немесе банк холдингтерінің еншілес ұйымдары заңды тұлғалардың акцияларын олар мынадай талаптарға сәйкес келген кезде сатып алады:
осы қаулыға 1-қосымшаға сәйкес Халықаралық қор биржалары тізімінде көрсетілген еркін айналыстағы Қазақстан Республикасының бейрезидент заңды тұлғаларының акциялары;
«Бағалы қағаздар рыногы туралы» 2003 жылғы 2 шілдедегі Қазақстан Республикасы Заңының 22-1-бабы 3-тармағының талаптарына сәйкес Қазақстан Республикасының резиденті-ұйымдары таныған, қор биржасының ресми тізіміне енгізілген заңды тұлғалардың акциялары;
қор биржасы индексінің өкілдік тізіміндегі Қазақстан Республикасының резиденті-заңды тұлғаларының акциялары;
қор биржасының ресми тізіміне енгізілген Қазақстан Республикасының резиденті-заңды тұлғалардың акциялары және (немесе) «Астана» халықаралық қаржы орталығының аумағында жұмыс істейтін қор биржасында жария сауда-саттыққа жіберілген Қазақстан Республикасының резиденті-заңды тұлғалардың акциялары;
