Қазақстан Республикасы Индустрия және инфрақұрылымдық даму министрлігінің жанындағы жеке кәсіпкерлік мәселелері жөніндегі сараптамалық кеңестің кейбір мәселелері туралы
Қазақстан Республикасы Индустрия және инфрақұрылымдық даму министрінің 2019 жылғы 13 ақпандағы № 77 бұйрығы
Осы редакция 2019 жылғы 24 маусымда енгізілген өзгерістеріне дейін қолданылды
«Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2018 жылғы 26 желтоқсандағы № 806 Жарлығына және «Құқықтық актілер туралы» 2016 жылғы 6 сәуірдегі Қазақстан Республикасының Заңы 65-бабының 3-тармағына сәйкес БҰЙЫРАМЫН:
1. Осы бұйрыққа 1 және 2-қосымшаларға сәйкес Қазақстан Республикасы Индустрия және инфрақұрылымдық даму министрлігінің жанындағы Жеке кәсіпкерлік мәселелері жөніндегі сараптамалық кеңестің ережесі және құрамы бекітілсін.
2. Осы бұйрыққа 3 және 4-қосымшаларға сәйкес Қазақстан Республикасы Индустрия және инфрақұрылымдық даму министрлігінің жанындағы Жеке кәсіпкерлік субъектілерінің бірлестіктерін аккредиттеу жөніндегі комиссияның ережесі және құрамы бекітілсін.
3. Осы бұйрыққа 5-қосымшаға сәйкес Қазақстан Республикасы Инвестициялар және даму министрлігінің бұйрықтарының кейбір тармақтарының күші жойылсын.
4. Осы бұйрықтың орындалуын бақылау Қазақстан Республикасының Индустрия және инфрақұрылымдық даму бірінші вице-министріне жүктелсін.
5. Осы бұйрық қол қойылған күнінен бастап күшіне енеді және таратылуға жатады.
Қазақстан Республикасы
Индустрия және инфрақұрылымдық
даму министрінің
2019 жылғы 13 ақпандағы
№ 77 бұйрығына
1-қосымша
Қазақстан Республикасы Индустрия және инфрақұрылымдық даму
министрлігінің жанындағы жеке кәсіпкерлік мәселелері жөніндегі
сараптамалық кеңес туралы ереже
