(БҰРЫНҒЫ РЕДАКЦИЯ) «ШЫҒЫС ҚАЗАҚСТАН ОБЛЫСЫ АЗАМАТТАРЫНЫҢ ЖЕКЕ МЕНШІГІНД...

Шығыс Қазақстан облысы азаматтарының жеке меншігінде болуы мүмкін жер учаскелерінің шекті (ең жоғары) мөлшерін белгілеу туралы
Шығыс Қазақстан облысы әкімдігінің 2023 жылғы 12 мамырдағы № 100 бірлескен қаулысы және Шығыс Қазақстан облыстық мәслихатының 2023 жылғы 31 мамырдағы № 3/23-VIII шешімі

Осы редакция 2025 жылғы 9 сәуірде енгізілген өзгерістеріне дейін қолданылды

Қазақстан Республикасы Жер кодексінің 50-бабы 3-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 13) тармақшасына, 27-бабы 1-тармағының 8) тармақшасына сәйкес Шығыс Қазақстан облысының әкімдігі ҚАУЛЫ ЕТЕДІ және Шығыс Қазақстан облыстық мәслихаты ШЕШТІ:

1. Шығыс Қазақстан облысы азаматтарының жеке меншігінде болуы мүмкін жер учаскелерінің шекті (ең жоғары) мөлшері осы бірлескен қаулы мен шешімнің қосымшасына сәйкес белгіленсін.