Сәулет, қала құрылысы және құрылыс саласындағы лицензияланатын қызмет түрін жүзеге асыруға қойылатын біліктілік талаптарын бекіту туралы
Қазақстан Республикасы Өнеркәсіп және құрылыс министрінің м.а. 2026 жылғы 22 сәуірдегі № 197 бұйрығы
Қазақстан Республикасы Құрылыс кодексінің 24-бабының 23) тармақшасына сәйкес, БҰЙЫРАМЫН:
1. Мыналар:
1) осы бұйрыққа 1-қосымшаға сәйкес сәулет, қала құрылысы және құрылыс саласындағы лицензияланатын қызмет түрін жүзеге асыру үшін қойылатын біліктілік талаптары (бұдан әрі - Біліктілік талаптары);
2) осы бұйрыққа 2-қосымшаға сәйкес күші жойылған кейбір бұйрықтардың тізбесі бекітілсін.
2. Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық ресми жарияланғаннан кейін оны Қазақстан Республикасы Өнеркәсіп және құрылыс министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.
4. Осы бұйрық 2026 жылғы 1 шілдеден бастап қолданысқа енгізіледі және ресми жариялануға тиіс.
5. 2028 жылғы 1 шілдеден бастап мыналар белгіленсін:
1) Біліктілік талаптарының реттік нөмірі 6-жолы мынадай редакцияда қолданылады:
«
| 6 | штатында лицензияланатын қызмет түрінің сұратылып отырған кіші түрінің құрамына кіретін жұмыс бейіні бойынша тиісті сертификаты бар және өтініш берушіде мынадай мамандандықтардың бірі бойынша тұрақты негізде жұмыс істейтін кемінде бір сертификатталған инженерлік-техникалық жұмыскердің болуы: жобаның бас инженері, жобаның бас сәулетшісі, бас конструктор, жетекші инженер жобалаушы. | сертификатталған инженерлік-техникалық жұмыскерлердің болуы туралы ақпаратты қамтитын мәліметтер нысаны |
»;
2) Біліктілік талаптарының реттік нөмірі 9-жолы мынадай редакцияда қолданылады:
«
