2021-2023 жылдары субсидиялауға жататын Ақтөбе облысының әлеуметтік мәні бар облысішілік автомобиль қатынастарының тізбесін айқындау туралы
Ақтөбе облыстық мәслихатының 2020 жылғы 11 желтоқсандағы № 576 шешімі
Осы редакция 2021 жылғы 24 желтоқсанда енгізілген өзгерістеріне дейін қолданылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына, Қазақстан Республикасы Инвестициялар және даму министрі міндетін атқарушының 2015 жылғы 25 тамыздағы № 883 бұйрығымен бекітілген, нормативтік құқықтық актілерді мемлекеттік тіркеу тізілімінде № 12353 тіркелген, Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларының 6-тармағына сәйкес, Ақтөбе облыстық мәслихаты ШЕШІМ ҚАБЫЛДАДЫ:
1. 2021-2023 жылдары субсидиялауға жататын Ақтөбе облысының әлеуметтік мәні бар облысішілік автомобиль қатынастарының тізбесі қосымшаға сәйкес айқындалсын.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Облыстық мәслихаттың сессия төрағасы | А. Айтжанов |
| Облыстық мәслихаттың хатшысы | С. Калдыгулова |
