«Бюджеттік кредиттеудің кейбір мәселелері туралы» Қазақстан Республикасы Қаржы министрінің 2025 жылғы 26 маусымдағы № 325 бұйрығына өзгерістер енгізу туралы
Қазақстан Республикасы Қаржы министрінің м.а. 2026 жылғы 3 шілдедегі № 457 бұйрығы
БҰЙЫРАМЫН:
1. «Бюджеттік кредиттеудің кейбір мәселелері туралы» Қазақстан Республикасы Қаржы министрінің 2025 жылғы 26 маусымдағы № 325 бұйрығына (Нормативтік құқықтық актілерді мемлекеттік тіркеу тізілімінде № 36331 болып тіркелген) мынадай өзгерістер енгізілсін:
көрсетілген бұйрықпен бекітілген Бюджеттік кредиттерді беру жөніндегі рәсімдер, оның ішінде оларды беру кезінде қажетті құжаттар тізбесі, сондай-ақ бюджеттік кредит беру тәсілдері, бюджеттік кредитті өтеу және оған қызмет көрсету кестесі, бюджеттік кредитті қайта құрылымдау және қарыз алушыны ауыстыру рәсімдері, талап қоюдың ескіру шарттары, бюджеттік кредит бойынша борышты аудару шарттары, кредиторлардың талаптарын тоқтату және бюджеттік кредиттер бойынша кепілдікті тоқтату, бюджеттік кредиттер бойынша бақылау рәсімдерінде:
3-тармақта:
4) тармақша мынадай редакцияда жазылсын:
1-тармағының бесінші абзацы 2026 ж. 12 шілдеден бастап қолданысқа енгізілді
«4) «е-Қаржымині» интеграцияланған автоматтандырылған цифрлық жүйесі (бұдан әрі - «е-Қаржымині» ИАЦЖ) - мемлекеттік функцияларды орындау және мемлекеттік қызметтерді ұсыну бойынша Қазақстан Республикасы Қаржы министрлігінің бизнес-процестерін кешенді автоматтандыруға арналған цифрлық жүйе;»;
7) тармақшасы мынадай редакцияда жазылсын:
1-тармағының жетінші абзацы 2026 ж. 12 шілдеден бастап қолданысқа енгізілді
«7) қарыз алушының/сенім білдірілген өкілдің (агенттің) цифрлық жүйесі - ақпараттық өзара іс-қимыл арқылы белгілі бір технологиялық іс-қимылды іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып ретке келтірілген жиынтығы;»;
7-тармақ мынадай редакцияда жазылсын:
«7. Бюджеттік кредиттер берілу мерзіміне қарай мынадай түрлерге бөлінеді:
1) қысқа мерзімді - 1 жылға дейін;
2) орта мерзімді - 1 жылдан 5 жылға дейін;
3) ұзақ мерзімді - 5 жылдан 10 жылға дейін.
