Халықаралық медициналық-санитариялық қағидалар бойынша ұлттық үйлестіруші туралы ережені бекіту туралы
Қазақстан Республикасы Денсаулық сақтау министрінің 2020 жылғы 14 қыркүйектегі № 590 бұйрығы
«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексі 7-бабының 58) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес халықаралық медициналық-санитариялық қағидалар бойынша ұлттық үйлестіруші туралы ережесі бекітілсін.
2. Қазақстан Республикасы Денсаулық сақтау министрлігінің Тауарлар мен көрсетілетін қызметтердің сапасы мен қауіпсіздігін бақылау комитеті:
1) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;
2) осы бұйрықты мүдделі мемлекеттік органдарға жеткізуді қамтамасыз етсін.
3. Қазақстан Республикасы Денсаулық сақтау министрінің «Халықаралық медициналық-санитариялық қағидалар мен қоғамдық денсаулық сақтаудың жаһандық бағдарламасы бойынша ұлттық үйлестірушінің мәртебесі және өкілеттігі туралы ережені бекіту туралы» 2019 жылғы 15 сәуірдегі № 144 бұйрығының күші жойылсын.
4. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.
5. Осы бұйрық қол қойылған күнінен бастап қолданысқа енгізіледі.
Қазақстан Республикасы
Денсаулық сақтау министрінің
2020 жылғы 14 қыркүйектегі
№ 590 бұйрығына
қосымша
Халықаралық медициналық-санитариялық қағидалар бойынша
ұлттық үйлестіруші туралы
ереже
1-тарау. Жалпы ережелер
1. Халықаралық медициналық-санитариялық қағидалар бойынша ұлттық үйлестіруші туралы ереже (бұдан әрі - Ереже) «Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің 7-бабының 58) тармақшасына сәйкес әзірленді.
2. Осы Ережеде мынадай ұғымдар қолданылады:
