Ашық деректердің интернет-порталында орналастырылатын мемлекеттік органдардың ашық деректерінің бірыңғай тізбесін бекіту туралы
Қазақстан Республикасы Үкіметінің 2021 жылғы 28 қазандағы № 774 Қаулысы
Осы редакция 2022 жылғы 25 наурызда енгізілген өзгерістеріне дейін қолданылды
«Ақпаратқа қол жеткізу туралы» 2015 жылғы 16 қарашадағы Қазақстан Республикасының Заңы 6-1-бабының 3) тармақшасына сәйкес Қазақстан Республикасының Үкiметi ҚАУЛЫ ЕТЕДI:
1. Қоса беріліп отырған Ашық деректердің интернет-порталында орналастырылатын мемлекеттік органдардың ашық деректерінің бірыңғай тізбесі бекітілсін.
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасының Премьер-Министрі | А. Мамин |
Қазақстан Республикасы
Үкіметінің
2021 жылғы 28 қазандағы
№ 774 қаулысымен
бекітілген
Ашық деректердің интернет-порталында орналастырылатын
мемлекеттік органдардың ашық деректерінің бірыңғай
тізбесі
| Р/с № | Р/с № | Ашық деректер жинағының атауы | Өзектілендіру кезеңі | Ақпаратты орналастыру мерзімі | Дереккөз (ашық деректер интернет-порталының АЖО немесе мемлекеттік органның API жүйесі арқылы) | Жауапты мемлекеттік орган |
| 1 | 2 | 3 | 4 | 5 | 6 | 7 |
| Мемлекеттік сектор |
| 1. | 1. | Қазақстан Республикасының әкімшілік-аумақтық бірліктері | жартыжылдықта бір рет, жыл сайын | есепті кезеңнен кейінгі айдың 20-күніне дейін | Ашық деректер интернет-порталының АЖО | СЖРА (Ұлттық статистика бюросы) |
| 2. | 2. | Қазақстан Республикасында аккредиттелген шет мемлекеттердің елшіліктері мен консулдықтары туралы деректер (өкілдіктің елі, ұйымның түрі, ұйымның толық атауы, орналасқан қаласы, мекенжайы, телефоны, ресми сайты, электрондық поштасы, визалар берілетін елдер (қоса атқару бойынша) | қажеттілігіне қарай | ақпарат жаңартылған күннен бастап жиырма жұмыс күні ішінде | Ашық деректер интернет-порталының АЖО | СІМ |
| 3. | 3. | Қазақстан Республикасының азаматтары үшін шет мемлекеттермен визалық және визасыз тәртіп | қажеттілігіне қарай | ақпарат жаңартылған күннен бастап жиырма жұмыс күні ішінде | Ашық деректер интернет-порталының АЖО | СІМ |
