Қазақстан Республикасында өлкетануды дамытудың тұжырымдамалық негіздері» әдістемелік ұсынымдарын бекіту туралы
Қазақстан Республикасы Білім және ғылым министрінің 2018 жылғы 1 қазандағы № 525 бұйрығы
Қазақстан Республикасы Президентінің жанындағы Қоғамдық сананы жаңғырту бағдарламасын іске асыру жөніндегі ұлттық комиссияның 2018 жылғы 26 ақпандағы № 18-32-03.1 хаттамалық тапсырмасының 1.3.1-тармағын орындау үшін, Қазақстан Республикасында өлкетануды дамыту мақсатында БҰЙЫРАМЫН:
1. Қоса беріліп отырған «Қазақстан Республикасында өлкетануды дамытудың тұжырымдамалық негіздері» әдістемелік ұсынымдары бекітілсін.
2. Облыстардың, Астана, Алматы және Шымкент қалаларының әкімдіктері өлкетануды дамытудың 2019-2021 жылдарға арналған өңірлік жоспарларын әзірлесін және 2018 жылғы 1 желтоқсанға дейінгі мерзімде Қазақстан Республикасы Білім және ғылым министрлігіне ұсынсын.
3. Қазақстан Республикасы Білім және ғылым министрлігі осы бұйрықты облыстардың, Астана, Алматы және Шымкент қалалары әкімдіктерінің назарына жеткізсін.
4. Осы бұйрықтың орындалуын бақылау Қазақстан Республикасының Білім және ғылым вице-министрі Э.А. Суханбердиеваға жүктелсін.
5. Осы бұйрық қол қойылған күнінен бастап күшіне енеді.
Қазақстан Республикасы
Білім және ғылым министрінің
2018 жылғы 1 қазандағы
№ 525 бұйрығымен
бекітілген
Қазақстан Республикасы Білім және ғылым министрлігі
Әдістемелік ұсынымдама
ҚАЗАҚСТАН РЕСПУБЛИКАСЫНДА ӨЛКЕТАНУДЫ ДАМЫТУДЫҢ
ТҰЖЫРЫМДАМАЛЫҚ НЕГІЗДЕРІ
Құрылымы
Кіріспе
Қазақстан Республикасындағы өлкетану жұмыстарының нормативтік құқықтық базасы
Тұжырымдамалық негіздердің мақсаты мен міндеттері
Өлкетану субъектілері
Өлкетану нысандары
Өлкетанудың негізгі дереккөздері
Қазақстан өлкетануының этнопедагогикалық негіздері - «Қасиетті Жер-Су» Қазақстанның жалпыұлттық маңызы бар қасиетті орындары
Өлкетану қызметі мен зерттеулерінің ғылыми-педагогикалық және әдіснамалық негіздері