«Үздік ресурстық орталық» конкурсын өткізу туралы
Қазақстан Республикасы Білім және ғылым министрінің 2018 жылғы 5 қазандағы № 543 бұйрығы
Қазақстан Республикасы Білім және ғылым министрлігі Жауапты хатшысының 2017 жылғы 25 желтоқсандағы № 646 бұйрығымен бекітілген Қазақстан Республикасы Білім және ғылым министрлігінің 2018 жылға арналған жұмыс жоспарының 71-тармағын орындау үшін БҰЙЫРАМЫН:
1. Қазақстан Республикасы Білім және ғылым министрлігінің Мектепке дейінгі және орта білім департаменті (Ш.Т. Каринова) «Ы. Алтынсарин атындағы Ұлттық білім академиясы» республикалық мемлекеттік қазыналық кәсіпорнымен (Ж.О Жылбаев) бірлесіп, «Үздік ресурстық орталық» республикалық конкурсын 2018 жылғы 31 қазанда қашықтықтан өткізсін.
2. Мыналар:
1) осы бұйрыққа 1-қосымшаға сәйкес «Үздік ресурстық орталық» конкурсы туралы ереже;
2) осы бұйрыққа 2-қосымшаға сәйкес «Үздік ресурстық орталық» республикалық конкурстық комиссиясының құрамы бекітілсін.
3. Облыстық білім басқармаларының басшылары (келісім бойынша) облыстық «Үздік ресурстық орталық» конкурсын 1-қосымшаға сәйкес 2018 жылғы 15 қазанға дейін өткізуді және «Үздік ресурстық орталық» республикалық конкурсына жеңімпаздың қатысуын қамтамасыз етсін.
4. «Ы. Алтынсарин атындағы Ұлттық білім академиясы» республикалық мемлекеттік қазыналық кәсіпорны (Ж.О Жылбаев) шағын жинақты мектептерде білім және тәрбие сапасын арттыру мақсатында үздік ресурстық орталықтардың тәжірибесін жинақтап, таратсын, 2018 жылғы 30 қарашаға дейін конкурстың өткендігі туралы есепті Қазақстан Республикасы Білім және ғылым министрлігіне ұсынсын.
5. Осы бұйрықтың орындалуын бақылау Қазақстан Республикасының Білім және ғылым вице-министрі Э.А. Суханбердиеваға жүктелсін.
6. Осы бұйрық қол қойылған күнінен бастап күшіне енгізіледі.
Қазақстан Республикасы
Білім және ғылым министрінің
2018 жылғы 5 қазандағы
№ 543бұйрығына
1-қосымша
«Үздік ресурстық орталық»
конкурсы туралы ереже
1-тарау. Жалпы ережелер
