Қазақстан Республикасы Президентінің кейбір жарлықтарына
өзгерістер енгізу туралы Қазақстан Республикасы
Президентінің 2002 ж. 29 тамыздағы № 939 Жарлығы
(ҚР Президентінің 31.03.04 ж. № 1327 Жарлығымен
енгізілген өзгерістерімен)
Қаулы етемін:
ҚР Президентінің 31.03.04 ж. № 1327 Жарлығымен 1-тармақ өзгертілді
1. Қазақстан Республикасы Президентінің мынадай жарлықтарына өзгерістер енгізілсін:
1) "Қазақстан Республикасының мемлекеттік органдары жүйесін одан әрі оңтайландыру жөніндегі шаралар туралы" Қазақстан Республикасы Президентінің 1999 жылғы 22 қаңтардағы № 29 Жарлығына (Қазақстан Республикасы ПҮАЖ-ы, 1999 ж., № 1, 2-бап):
аталған Жарлыққа 1-қосымшадағы:
"Қазақстан Республикасы Президентінің Әкімшілігі 331
оның ішінде Қазақстан Республикасы Президентінің
"Байқоңыр" ғарыш айлағындағы арнаулы өкілінің аппараты 6"
деген жолдар алынып тасталсын;
2) "Қазақстан Республикасы Президенті Әкімшілігінің штат саны мен құрылымы туралы" Қазақстан Республикасы Президентінің 2002 жылғы 11 ақпандағы № 806 Жарлығына:
1-тармағында "325" саны "345" санымен алмастырылсын;
Қазақстан Республикасы Президенті Әкімшілігінің құрылымы қосымшаға сәйкес жаңа редакцияда жазылсын;
