Компьютер жүйелерін Қазақстан Республикасының аумағында пайдалануға
рұқсат етілген фискалдық жады бар бақылау-кассалық машиналарының
Мемлекеттік тізіліміне (нен) енгізуге (шығаруға) қорытынды беру ережесін
бекіту туралы Қазақстан Республикасының Ақпараттандыру және байланыс
жөніндегі агенттігі төрағасының 2004 жылғы 3 қыркүйектегі № 186-п бұйрығы
ҚР Ақпараттындыру және байланыс агенттігі төрағасының 2009 жылғы 27 шілдедегі № 330 Бұйрығымен күші жойылды
"Салық және бюджетке төленетін басқа да міндетті төлемдер туралы" Қазақстан Республикасының Кодексіне сәйкес, Компьютер жүйелерін Қазақстан Республикасының аумағында пайдалануға рұқсат етілген фискалдық жады бар бақылау-кассалық машиналарының мемлекеттік тізіліміне (нен) енгізуге (шығаруға) қорытынды беру тәртібін белгілеу мақсатында бұйырамын:
1. Қоса беріліп отырған Компьютер жүйелерін Қазақстан Республикасының аумағында пайдалануға рұқсат етілген фискалдық жады бар бақылау-кассалық машиналарының мемлекеттік тізіліміне (нен) енгізуге (шығаруға) қорытынды беру ережесі (бұдан әрі - Ереже) бекітілсін.
2. Ақпараттандыру және заң қызметі департаменті (Есімова Ә.Г.) белгіленген тәртіппен осы бұйрықты Қазақстан Республикасының Әділет министрлігінде мемлекеттік тіркелуін қамтамасыз етсін.
3. Осы бұйрықтың орындалуын бақылау Қазақстан Республикасының Ақпараттандыру және байланыс жөніндегі агенттігі төрағасының орынбасары К.Б. Есекеевке жүктелсін.
4. "Компьютер жүйелерін Қазақстан Республикасының аумағында пайдалануға рұқсат етілген фискалдық жады бар бақылау-кассалық машиналарының мемлекеттік тізіліміне (нен) енгізуге (шығаруға) қорытынды беру ережесі" Қазақстан Республикасының Көлік және коммуникациялар министрлігі Байланыс және ақпараттандыру жөніндегі комитеті төрағасының 2003 жылғы 13 мамырдағы № 51-ө бұйрығының (№ 2354 нормативтік-құқықтық кесімдердің мемлекеттік тіркеу тіркелімінде тіркелген) күші жойылған деп танылсын.
