Жедел-iздестiру қызметi туралы Қазақстан Республикасының
1994 жылғы 15 қыркүйектегі N 154-XIII Заңы
(ҚР Президентінің 25.12.95 ж. N 2725 Заң күші бар
Жарлығымен; ҚР 15.07.96 ж. N 31-1; 22.12.98 ж. N 327-1;
29.03.00 ж. N 42-II; 16.03.01 ж. N 163-II; 16.07.01 ж. N 244-II;
19.02.02 ж. N 295-II; 10.07.02 ж. N 338-II; 09.08.02 ж. N 346-II;
09.07.04 ж. N 592-II Заңдарымен енгізілген өзгерістерімен)
Осы редакция 2004 жылғы 20 желтоқсандағы N 13-III ҚР Заңымен енгізілген өзгерістеріне дейін қолданылды
I-бөлiм. Жалпы ережелер (1 - 5 баптар)
II-бөлiм. Жедел iздестiру қызметiн жүзеге (6 - 9 баптар)
асырушы органдар, олардың мiндеттерi
мен құқықтары
III бөлiм. Жедел-iздестiру шараларын жүргiзу (10 - 16 баптар)
IV бөлiм. Жедел-iздестiру қызметiн жүзеге (17 - 19 баптар)
асырушы органдардың өзара iс-қимылы
V бөлiм. Жедел-iздестiру қызметiн қаржылай және (20 - 21 баптар)
материалдық-техникалық қамтамасыз ету
VI бөлiм. Жедел-iздестiру қызметiнiң субъектiлерiн (22 - 23 баптар)
әлеуметтiк және құқықтық қорғау
VII бөлiм. Жедел-iздестiру қызметiн бақылау (24 - 25 баптар)
және қадағалау
Осы Заң Қазақстан Республикасы аумағында жүзеге асырылатын жедел-iздестiру қызметiнiң мазмұнын айқындайды және оны жүргiзу кезiнде заңдылықты құқықтық кепiлдiктерi жүйесiн баянды етедi.
I-бөлiм. Жалпы ережелер
1-бап. Жедел-iздестiру қызметi
Жедел-iздестiру қызметi - азаматтардың (*) өмiрiн, денсаулығын, құқықтарын, бостандықтары мен заңды мүдделерiн, меншiктi қорғау, шет мемлекеттер мен халықаралық ұйымдардың арнаулы қызметтерiнiң қылмысты қол сұғуынан, сондай-ақ барлау-бүлдiру әрекетiнен қоғам мен мемлекет қауiпсiздiгiн қамтамасыз ету мақсатында арнайы уәкiлдiк берiлген мемлекеттiк органдар (**) өз құзыретi шегiнде Қазақстан Республикасының
Конституциясына, осы Заңға, Қазақстан Республикасының басқа да заңдары мен қалыптық құжаттарына сәйкес жүзеге асыратын жария және жасырын жедел-iздестiру, ұйымдық және басқару шараларының ғылыми негiзделген жүйесi.
