(БҰРЫНҒЫ РЕДАКЦИЯ) ҚР ПРЕЗИДЕНТІНІҢ 1996.11.11. № 3205 ЖАРЛЫҒЫ

Қазақстан Республикасының Орталық сайлау комиссиясы туралы Ереженi
бекіту туралы Қазақстан Республикасы Президентінің
1996 жылғы 11 қарашадағы № 3205 Жарлығы

(2006.31.08. берілген өзгерістер мен толықтыруларымен)

Осы редакция 2007 жылғы 13 қарашадағы енгізілген өзгерістеріне дейін қолданылды

ҚР Президентінің 2005.21.04.  № 1556 Жарлығымен кіріспе өзгертілді (бұр. ред. қара)

"Қазақстан Республикасының Президентi туралы" Қазақстан Республикасының 1995 жылғы 26 желтоқсандағы № 2733 Конституциялық заңы 14 бабының 2)-тармақшасына сәйкес қаулы етемiн:

1. Қазақстан Республикасының Орталық сайлау комиссиясы туралы Ереже (қоса берiлiп отыр) бекітілсiн.

2. Мыналардың күшi жойылған деп танылсын:

"Қазақстан Республикасының Орталық сайлау комиссиясы туралы Ереженi бекіту туралы" Қазақстан Республикасы Президентінің 1993 жылғы 21 желтоқсандағы № 1469 қаулысы (Қазақстан Республикасының ПҮАЖ-ы, 1993 ж., № 48, 579-құжат);

"Қазақстан Республикасының Орталық сайлау комиссиясы туралы Ережеге өзгерістер енгізу туралы" Қазақстан Республикасы Президентінің 1996 жылғы 22 ақпандағы № 2856 Жарлығы (Қазақстан Республикасының ПҮАЖ-ы, 1996 ж., № 7, 38-құжат).

3. Осы Жарлық қол қойылған күнiнен бастап күшiне енедi.

Қазақстан Республикасының

Қазақстан Республикасы  Президентінің

1996 жылғы 11 қарашадағы

№ 3205 Жарлығымен

Бекiтiлген

Қазақстан Республикасының Орталық сайлау

комиссиясы туралы

ЕРЕЖЕ

1. Жалпы ережелер

1. Қазақстан Республикасының Орталық сайлау комиссиясы (бұдан былай - Ортсайлауком) Қазақстан Республикасының тұрақты жұмыс iстейтiн мемлекеттік органы болып табылады және Республика сайлау комиссияларының бiртұтас жүйесiне басшылық етедi.

2. Ортсайлауком өз қызметiнде Қазақстан Республикасының Конституциясын, заңдарын, Қазақстан Республикасы Президентінің актілерін, сондай-ақ осы Ереженi басшылыққа алады және өз жұмысын ашық, жариялы және алқалы негiзде құрады.