(БҰРЫНҒЫ РЕДАКЦИЯ) ҚР ҮКІМЕТІНІҢ 2010.18.10 № 1072 ҚАУЛЫСЫ

Қазақстан Республикасында мұнай-газ секторын дамыту жөніндегі 2010 - 2014 жылдарға арналған бағдарламаны бекіту туралы
Қазақстан Республикасы Үкіметінің 2010 жылғы 18 қазандағы № 1072 Қаулысы

Осы редакция 2012 жылғы 6 сәуірде енгізілген өзгерістеріне дейін қолданылды

«Қазақстан Республикасы Үкіметінің Қазақстан Республикасын үдемелі индустриялық-инновациялық дамыту жөніндегі 2010 - 2014 жылдарға арналған мемлекеттік бағдарламаны іске асыру жөніндегі іс-шаралар жоспарын бекіту туралы» Қазақстан Республикасы Үкіметінің 2010 жылғы 14 сәуірдегі № 302 қаулысын іске асыру мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасында мұнай-газ секторын дамыту жөніндегі 2010 - 2014 жылдарға арналған бағдарлама (бұдан әрі - Бағдарлама) бекітілсін.

2. Мүдделі орталық және жергілікті атқарушы органдар:

1) Бағдарламада көзделген іс-шаралардың тиісінше және уақтылы орындалуын қамтамасыз етсін;

2) есепті жылдың 15 шілдесінен кешіктірмей Қазақстан Республикасы Мұнай және газ министрлігіне жарты жылдық қорытындылары бойынша Бағдарламада көзделген іс-шаралардың іске асырылу барысы туралы ақпарат берсін;

3) есепті жылдан кейінгі жылдың 1 ақпанынан кешіктірмей Қазақстан Республикасы Мұнай және газ министрлігіне Бағдарламада көзделген іс-шаралардың іске асырылу барысы туралы ақпарат берсін.

3. Қазақстан Республикасы Мұнай және газ министрлігі:

1) есепті жылдың 1 тамызынан кешіктірмей Қазақстан Республикасы Қаржы министрлігіне жарты жылдық қорытындылары бойынша Бағдарламада көзделген іс-шаралардың іске асырылу барысы туралы ақпарат берсін;

2) есепті жылдан кейінгі жылдың 15 ақпанынан кешіктірмей Қазақстан Республикасы Қаржы министрлігіне Бағдарламада көзделген іс-шаралардың іске асырылу барысы туралы ақпарат берсін.

4. «Қазақстанда әлемдік деңгейдегі мұнай-химия кешендерін қалыптастыру және қазақстандық алғашқы мұнай-химия кешенін құру жөніндегі іс-шаралар жоспарын бекіту туралы» Қазақстан Республикасы Үкіметінің 2006 жылғы 13 қазандағы № 989 қаулысына мынадай өзгеріс енгізілсін: