«Халықтың санитариялық-эпидемиологиялық саламаттылығы саласында жеке кәсіпкерлік аясындағы тексеру парақтарының нысандарын бекіту туралы» Қазақстан Республикасы Денсаулық сақтау министрінің 2012 жылғы 29 қазандағы № 744 және Қазақстан Республикасы Экономикалық даму және сауда министрінің 2012 жылғы 29 қарашадағы № 322 бірлескен бұйрығы (2013.01.08. берілген өзгерістер мен толықтырулармен) (күші жойылды)

Халықтың санитариялық-эпидемиологиялық саламаттылығы саласында жеке кәсіпкерлік аясындағы тексеру парақтарының нысандарын бекіту туралы
Қазақстан Республикасы Денсаулық сақтау министрінің 2012 жылғы 29 қазандағы № 744 және Қазақстан Республикасы Экономикалық даму және сауда министрінің 2012 жылғы 29 қарашадағы № 322 бірлескен бұйрығы

(2013.01.08. берілген өзгерістер мен толықтырулармен)

ҚР Ұлттық экономика министрінің 2015 жылғы 28 желтоқсандағы № 804 бұйрығымен күші жойылды

«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 7-бабының 1-тармағының 72) тармақшасына, «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңының 15-бабының 1-тармағына сәйкес БҰЙЫРАМЫЗ:

1. Қоса беріліп отырған:

1) осы бұйрыққа 1-қосымшаға сәйкес балалар сүт асүйлеріне арналған тексеру парағының;

2) осы бұйрыққа 2-қосымшаға сәйкес балалардың сауықтыру және санаториялық объектілеріне (жыл бойындағы, маусымдық) арналған тексеру парағының;

3) осы бұйрыққа 3-қосымшаға сәйкес балалар үйлеріне, жетім балалар мен ата-анасының қамқорлығынсыз қалған балаларға арналған білім беру ұйымдарына, кәмелетке жетпеген балаларды бейімдеу орталықтарына арналған тексеру парағының;

4) осы бұйрыққа 4-қосымшаға сәйкес бастауыш, негізгі орта және жалпы орта білім беру ұйымдарында, интернат ұйымдарында, пансионаттарда, медреседе, баспаналарда, вахталық кенттерде орналасқан қоғамдық тамақтану және сауда объектілеріне арналған тексеру парағының;

5) осы бұйрыққа 5-қосымшаға сәйкес кремнен жасалатын кондитерлік өнімдерді өндіретін объектілерге арналған тексеру парағының;