(БҰРЫНҒЫ РЕДАКЦИЯ) ҚР ҮКІМЕТІНІҢ 2003 Ж. 10 ЖЕЛТОҚСАНДАҒЫ № 1602 ҚАУЛЫСЫ

Қазақстан Республикасы Бас прокуратурасының шаруашылық жүргізу құқығындағы «Ақпарат» республикалық мемлекеттік кәсіпорнын және оның еншілес мемлекеттік кәсіпорындарын қайта ұйымдастыру туралы
Қазақстан Республикасы Үкіметінің 2001 жылғы 10 желтоқсандағы № 1602 қаулысы

(2003.20.10. берілген өзгерістермен)

Осы редакция 2013 жылғы 5 тамызда енгізілген өзгерістеріне дейін қолданылды

Қазақстан Республикасының Yкіметі қаулы етеді:

ҚР Үкіметінің 20.10.03 ж. № 1062 қаулысымен 1-тармақ өзгертілді

1. Қазақстан Республикасы Бас прокуратурасының шаруашылық жүргiзу құқығындағы «Ақпарат» республикалық мемлекеттік кәсiпорны жарғылық капиталына мемлекеттiң жүз пайыз қатысуымен «Ақпарат» ашық акционерлік қоғамы (бұдан әрi - Қоғам) етiп қайта құру жолымен қайта ұйымдастырылсын.

ҚР Үкіметінің 20.10.03 ж. № 1062 қаулысымен 2-тармақ өзгертілді

2. Қазақстан Республикасы Қаржы министрлігінiң Мемлекеттік мүлiк және жекешелендiру комитетi заңнамада белгiленген тәртiппен:

1) Қоғамның жарғыcын бекіту кезiнде қызметiнiң негiзгi мәні бұқаралық ақпарат құралдары саласында өндiрiстiк-шаруашылық қызметiн; баспа, полиграфия, жөндеу-құрылыс жұмыстарын жүзеге асыру; жұмыс жағдайын материалдық-техникалық және өзге де қамтамасыз ету, Қазақстан Республикасы Бас прокуратурасының Құқықтық статистика және арнайы есепке алу жөніндегі комитетiнiң және прокуратура органдарының ғимараттарын, құрылыстарын, жабдықтарын, инженерлiк желiлерiн, көлiк құралдарын, әлеуметтiк-тұрмыстық мақсаттағы объектiлерiн және өзге мүлiктерiн пайдалану деп белгiлесiн;

2) Қоғамның мемлекеттік тiркелуiн қамтамасыз етсiн;

3) осы қаулыдан туындайтын өзге де шараларды қабылдасын.

3. Қазақстан Республикасы Үкіметінiң кейбір шешiмдерiне енгiзiлетiн өзгерістер мен толықтырулар бекітілсiн.

4. Осы қаулы қол қойылған күнiнен бастап күшiне енедi.

Қазақстан Республикасының

Қазақстан Республикасы

Yкіметінiң

2001 жылғы 10 желтоқсандағы

№ 1602 қаулысымен

бекітілген