«Қазақстан Республикасы Қорғаныс және аэроғарыш өнеркәсібі министрлігінің кейбір мәселелері» Қазақстан Республикасы Үкіметінің 2016 жылғы 15 қарашадағы № 704 Қаулысы (2023.14.07. берілген өзгерістер мен толықтырулармен)

Қазақстан Республикасы Қорғаныс және аэроғарыш өнеркәсібі министрлігінің кейбір мәселелері
Қазақстан Республикасы Үкіметінің 2016 жылғы 15 қарашадағы № 704 Қаулысы

(2023.14.07. берілген өзгерістер мен толықтырулармен)

«Қазақстан Республикасының Қорғаныс және аэроғарыш өнеркәсібі министрлігін құру туралы» Қазақстан Республикасы Президентінің 2016 жылғы 6 қазандағы № 350 Жарлығына сәйкес Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Қорғаныс және аэроғарыш өнеркәсібі министрлігінің Ақпараттық қауіпсіздік комитеті құрылсын.

2. Қоса беріліп отырған:

1) Қазақстан Республикасының Қорғаныс және аэроғарыш өнеркәсібі министрлігі туралы ереже (бұдан әрі - Ереже);

2) Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

3. Мыналар:

1) Қазақстан Республикасы Инвестициялар және даму министрлігінің Аэроғарыш комитеті Қазақстан Республикасы Қорғаныс және аэроғарыш өнеркәсібі министрлігінің Аэроғарыш комитеті;

2) Қазақстан Республикасы Ұлттық экономика министрлігінің Мемлекеттік материалдық резервтер комитеті Қазақстан Республикасы Қорғаныс және аэроғарыш өнеркәсібі министрлігінің Мемлекеттік материалдық резервтер комитеті болып қайта аталсын.

ҚР Үкіметінің 2017.25.04. № 223 Қаулысымен 4-тармақ жаңа редакцияда (бұр.ред.қара)

4. Осы қаулыға 1-қосымшаға сәйкес республикалық заңды тұлғалар қайта аталсын.

5. Қазақстан Республикасының Қорғаныс және аэроғарыш өнеркәсібі министрлігі осы қаулының 4-тармағында көрсетілген республикалық заңды тұлғаларға қатысты мемлекеттік басқарудың тиісті саласына (аясына) басшылық жөніндегі уәкілетті орган болып айқындалсын.

6. ҚР Үкіметінің 2018.03.07. № 405 Қаулысымен алып тасталды (бұр.ред.қара)

ҚР Үкіметінің 2017.25.04. № 223 Қаулысымен 7-тармақ өзгертілді (бұр.ред.қара)