(БҰРЫНҒЫ РЕДАКЦИЯ) «БОСҚЫНДАРДЫҢ ЖОЛ ЖҮРУ ҚҰЖАТТАРЫН БЕРУ ҚАҒИДАЛАРЫН Б...

Босқындардың жол жүру құжаттарын беру қағидаларын бекіту туралы
Қазақстан Республикасы Ішкі істер министрінің 2015 жылғы 24 сәуірдегі № 391 бұйрығы

Осы редакция 2020 жылғы 30 наурызда енгізілген өзгерістеріне дейін қолданылды

Қазақстан Республикасы Үкіметінің 2005 жылғы 22 маусымдағы № 607 қаулысымен бекітілген Қазақстан Республикасы Ішкі істер министрлігі туралы ереженің 16-тармағының 58) тармақшасына сәйкес БҰЙЫРАМЫН:

1. Босқындардың жол жүру құжаттарын беру қағидалары бекітілсін.

2. Қазақстан Республикасы Ішкі істер министрлігінің Көші-қон полициясы департаменті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық мемлекеттік тіркегеннен кейін күнтізбелік он күн ішінде оны мерзімді баспа басылымдарына және «Әділет» ақпараттық-құқықтық жүйесіне ресми жариялауға жолдауды;

3) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Ішкі істер министрінің орынбасары полиция генерал-майоры Е.З. Тургумбаевқа және Қазақстан Республикасы Ішкі істер министрлігінің Көші-қон полициясы департаментіне (С.С. Сайынов) жүктелсін.

4. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы

Ішкі істер министрінің

2015 жылғы 24 сәуірдегі

№ 391 бұйрығымен бекітілген

Босқынға жол жүру құжатын беру

қағидасы

1. Осы Босқындарға жол жүру құжатын беру қағидалары (бұдан әрі - Қағида) Қазақстан Республикасынан шығу және Қазақстан Республикасына келу үшін шетелдіктерге немесе босқын деп танылған азаматтығы жоқ адамдарға жол жүру құжатын беру тәртібін айқындайды.