«Қазақстан Республикасының Президенті жанындағы Қазақстанның стратегиялық зерттеулер институты» республикалық мемлекеттік мекемесі туралы ережені бекіту туралы» Қазақстан Республикасы Президентінің 1997 жылғы 13 тамыздағы № 3614 Жарлығы (2024.29.06. берілген өзгерістер мен толықтыруларымен)

«Қазақстан Республикасының Президенті жанындағы Қазақстанның стратегиялық зерттеулер институты» республикалық мемлекеттік мекемесі туралы ережені бекіту туралы

Қазақстан Республикасы Президентінің 1997 жылғы 13 тамыздағы № 3614 Жарлығы

(2024.29.06. берілген өзгерістер мен толықтыруларымен)

ҚР Президентінің 2022.20.04. № 876 Жарлығымен тақырыбы жаңа редакцияда (бұр.ред.қара)

ҚР Президентінің 2012.01.03. № 273 Жарлығымен кіріспе жаңа редакцияда (бұр.ред.қара)

Қазақстан Республикасының Президенті туралы» 1995 жылғы 26 желтоқсандағы Қазақстан Республикасы Конституциялық заңының 33-бабы 2-тармағының 3) тармақшасына сәйкес ҚАУЛЫ ЕТЕМІН:

ҚР Президентінің 2022.20.04. № 876 Жарлығымен 1-тармақ жаңа редакцияда (бұр.ред.қара)

1. Қоса беріліп отырған «Қазақстан Республикасының Президенті жанындағы Қазақстанның стратегиялық зерттеулер институты» республикалық мемлекеттік мекемесі туралы ереже бекітілсін.

ҚР Президентінің 2024.29.06. № 589 Жарлығымен 1-1-тармақпен толықтырылды

1-1. «Қазақстан Республикасының Президенті жанындағы Қазақстанның стратегиялық зерттеулер институты» республикалық мемлекеттік мекемесінің штат саны 82 бірлік мөлшерінде белгіленсін.

2. Мыналардың күшi жойылған деп танылсын:

«Қазақстан Республикасының Президентi жанындағы Қазақстанның стратегиялық зерттеулер институты туралы ереженi бекіту туралы» Қазақстан Республикасы Президентінің 1993 жылғы 1 қазандағы № 1356 қаулысы (Қазақстан Республикасының ПҮАЖ-ы, 1993 ж., № 41, 472-бап);

«Қазақстан Республикасының Президентi жанындағы Қазақстанның стратегиялық зерттеулер институты туралы» Қазақстан Республикасы Президентінің 1993 жылғы 1 қазандағы № 1356 қаулысымен бекітілген ережеге өзгерістер енгізу туралы» Қазақстан Республикасы Президентінің 1997 жылғы 30 сәуірдегі № 3477 Жарлығы.

3. Осы Жарлық қол қойылған күнiнен бастап күшiне енедi.

Қазақстан Республикасының

Президентi

ҚР Президентінің 2022.20.04. № 876 Жарлығымен ереже жаңа редакцияда (бұр.ред.қара) 

Қазақстан Республикасы

Президентінің

1997 жылғы 13 тамыздағы

№ 3614 Жарлығымен

бекітілген