(БҰРЫНҒЫ РЕДАКЦИЯ) ҚР ПРЕЗИДЕНТІНІҢ 20.12.95 Ж. № 2697... ЖАРЛЫҒЫ

Қазақстан Республикасының әуе кеңiстiгiн пайдалану және авиация

қызметi туралы Қазақстан Республикасы Президентiнiң

1995 ж. 20 желтоқсандағы N 2697 Заң күшi бар Жарлығы

(ҚР 15.12.01 ж. N 272-II; 24.12.01 ж. N 276-II; 10.07.02 ж.

N 338-II; 08.05.03 ж. N 414-II Заңдарымен енгізілген өзгерістерімен)

Осы редакция 2004 жылғы 20 желтоқсандағы N 13-III ҚР Заңымен енгізілген өзгерістеріне дейін қолданылды

(Бұрынғы ред. қара)

I тарау. Жалпы ережелер (1 - 5 баптар)

II тарау. Қазақстан Республикасының авиация (6 - 7 баптар)

қызметi және әуе кеңiстiгiн пайдалану

саласындағы мемлекеттiк басқару мен

бақылау

III тарау. Әуе кеңiстiгiн пайдалануды ұйымдастыру (8 - 20 баптар)

IV тарау. Әуе кемелерi (21 - 32 баптар)

V тарау. Авиация қызметшiлерi (33 - 39 баптар)

VI тарау. Әуе кемелерiнiң ұшуы (40 - 51 баптар)

VII тарау. Халықаралық ұшулар (52 - 56 баптар)

VIII тарау. Iздестiру және құтқару (57 - 63 баптар)

IХ тарау. Әуе кемелерiнiң ұшу қауiпсiздiгiн (64 - 68 баптар)

қадағалау. Авиациялық оқиғаларды тексеру

Х тарау. Әуе тасымалдары (69 - 77 баптар)

ХI тарау. Авиациялық жұмыстар (78 - 79 баптар)

ХII тарау. Әуежайлар. Аэродромдар (80 - 88 баптар)

ХIII тарау. Жауапкершiлiк және сақтандыру (89 - 95 баптар)

ХIХ тарау. Авиация қауiпсiздiгi (96 - 99 баптар)

XV тарау. Атрибутика, жалау, эмблема, жалауша (100 - 101 баптар)

"Қазақстан Республикасының Президентi мен жергiлiктi әкiмдерге уақытша қосымша өкiлеттiк беру туралы" 1993 жылғы 10 желтоқсандағы Қазақстан Республикасы Заңының 1-бабына сәйкес, мемлекеттiң мүддесiн қорғау, авиацияның және Қазақстан Республикасының әуе кеңiстiгiн пайдаланатын өзге де субъектiлердiң орны мен рөлiн айқындау, сондай-ақ Қазақстан Республикасының әуе кеңiстiгiн пайдаланушылары мен оның азаматтарының қызметiне байланысты қатынастарды реттеу мақсатында осы Жарлықты шығарамын.

I тарау. Жалпы ережелер

ҚР 15.12.01 ж. N 272-II; 10.07.02 ж. N 338-II Заңдарымен 1-бап өзгертілді

1-бап. Жарлықта қолданылатын айқындамалар

Авиация қауiпсiздiгi - ол авиация қызметiне заңсыз қол сұғу актiлерiнiң алдын алу және оларды болдырмау арқылы қамтамасыз етiлетiн авиацияның қалыпты және қауiпсiз қызметi.