«Қазақстан Республикасының Қаржылық мониторинг агенттігінің кейбір мәселелері туралы» Қазақстан Республикасы Президентінің 2021 жылғы 20 ақпандағы № 515 Жарлығы (2026.28.01. берілген өзгерістер мен толықтыруларымен)

ҚАЗАҚСТАН РЕСПУБЛИКАСЫ ПРЕЗИДЕНТІНІҢ

ЖАРЛЫҒЫ

Қазақстан Республикасының Қаржылық мониторинг агенттігінің кейбір мәселелері туралы

(2026.28.01. берілген өзгерістер мен толықтыруларымен)

«Қазақстан Республикасының Президенті туралы» 1995 жылғы 26 желтоқсандағы Қазақстан Республикасы Конституциялық заңының 17-1-бабы 2-тармағының 1) тармақшасына сәйкес ҚАУЛЫ ЕТЕМІН:

ҚР Президентінің 2022.05.12. № 40 Жарлығымен 1-тармақ өзгертілді (бұр.ред.қара)

1. Қоса беріліп отырған:

1) Қазақстан Республикасының Қаржылық мониторинг агенттігі (бұдан әрі - Агенттік) туралы ереже;

2) Агенттіктің құрылымы;

3) Қазақстан Республикасы Президентінің кейбір актілеріне енгізілетін өзгерістер мен толықтырулар;

4) арнаулы атақтар берілетін Агенттік лауазымдарының және оларға сәйкес келетін шекті арнаулы атақтардың тізбесі («Қызмет бабында пайдалану үшін» деген белгісі бар) бекітілсін.

2. Осы Жарлық қол қойылған күнінен бастап қолданысқа енгізіледі.

Нұр-Сұлтан, Ақорда, 2021 жылғы 20 ақпан

№ 515

ҚР Президентінің 2022.10.09. № 1006 Жарлығымен ереже жаңа редакцияда (бұр.ред.қара)

Қазақстан Республикасы

Президентінің

2021 жылғы 20 ақпандағы

№ 515 Жарлығымен

БЕКІТІЛГЕН

ҚР Президентінің 2026.26.01. № 1159 Жарлығымен бүкіл мәтін бойынша «және терроризмді қаржыландыруға», «және терроризмді қаржыландыру» деген сөздер тиісінше «, терроризмді қаржыландыруға және жаппай қырып-жою қаруын таратуды қаржыландыруға», «, терроризмді қаржыландыру және жаппай қырып-жою қаруын таратуды қаржыландыру» деген сөздермен ауыстырылды (2026 ж. 28 қаңтардан бастап қолданысқа енгізілді) (бұр.ред.қара)

Қазақстан Республикасының Қаржылық мониторинг агенттігі туралы

ЕРЕЖЕ

1-тарау. Жалпы ережелер

ҚР Президентінің 2023.16.09. № 355 Жарлығымен (бұр.ред.қара); 2025.14.07. № 946 Жарлығымен (2025 ж. 17 шілдеден бастап қолданысқа енгізілді) (бұр.ред.қара) 1-тармақ жаңа редакцияда