(БҰРЫНҒЫ РЕДАКЦИЯ) «МЕМЛЕКЕТТІК ОРГАН ТУРАЛЫ ЕРЕЖЕНІ ӘЗІРЛЕУ ЖӘНЕ БЕКІТ...

Мемлекеттік орган туралы ережені әзірлеу және бекіту жөніндегі нұсқаулықты бекіту туралы
Қазақстан Республикасы Үкіметінің 2012 жылғы 25 желтоқсандағы № 1672 Қаулысы

Осы редакция 2018 жылғы 2 наурызда енгізілген өзгерістеріне дейін қолданылды

«Әкімшілік рәсімдер туралы» 2000 жылғы 27 қарашадағы Қазақстан Республикасының Заңы 9-1-бабының 4-1-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Мемлекеттік орган туралы ережені әзірлеу және бекіту жөніндегі нұсқаулық бекітілсін.

2. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасы

Үкіметінің

2012 жылғы 25 желтоқсандағы

№ 1672 қаулысымен

бекітілген

Мемлекеттік орган туралы ережені әзірлеу және бекіту жөніндегі
нұсқаулық

1. Мемлекеттік орган туралы ережені (бұдан әрі - ереже) мемлекеттік орган Қазақстан Республикасы Президентінің 2012 жылғы 29 қазандағы № 410 қаулысымен бекітілген Қазақстан Республикасының мемлекеттік органы туралы үлгілік ереженің талаптарына және осы нұсқаулыққа (бұдан әрі - нұсқаулық) сәйкес дербес әзірлейді.