«Көтерме және бөлшек саудада өткізу үшін бағамен реттеуге жататын дәрілік заттардың тізбесіне енгізілген дәрілік заттың саудалық атауына өндірушінің бағаларын, көтерме және бөлшек саудада өткізуге арналған шекті бағаларын бекіту туралы» Қазақстан Республикасы Денсаулық сақтау министрінің м.а. 2021 жылғы 27 тамыздағы № ҚР ДСМ-94 бұйрығы (2026.21.09. берілген өзгерістермен)

Көтерме және бөлшек саудада өткізу үшін бағамен реттеуге жататын дәрілік заттардың тізбесіне енгізілген дәрілік заттың саудалық атауына өндірушінің бағаларын, көтерме және бөлшек саудада өткізуге арналған шекті бағаларын бекіту туралы

Қазақстан Республикасы Денсаулық сақтау министрінің м.а. 2021 жылғы 27 тамыздағы № ҚР ДСМ-94 бұйрығы

(2026.21.09. берілген өзгерістермен)

ҚР Денсаулық сақтау министрінің 2026.07.09. № 106 бұйрығымен тақырыбы жаңа редакцяда (2026 ж. 21 қыркүйектен бастап қолданысқа енгізілді) (бұр.ред.қара)

«Халық денсаулығы және денсаулық сақтау жүйесі туралы» Қазақстан Республикасы Кодексінің 245-бабының 2-тармағына сәйкес БҰЙЫРАМЫН:

ҚР Денсаулық сақтау министрінің 2026.07.09. № 106 бұйрығымен 1-тармақ жаңа редакцяда (2026 ж. 21 қыркүйектен бастап қолданысқа енгізілді) (бұр.ред.қара)

1. Осы бұйрыққа 1 - қосымшаға сәйкес көтерме және бөлшек саудада өткізу үшін бағамен реттеуге жататын дәрілік заттардың тізбесіне енгізілген дәрілік заттың саудалық атауына өндірушінің бағалары, көтерме және бөлшек саудада өткізуге арналған шекті бағалары бекітілсін.

ҚР Денсаулық сақтау министрінің 2026.07.09. № 106 бұйрығымен 1-1-тармақпен толықтырылды (2026 ж. 21 қыркүйектен бастап қолданысқа енгізілді)

1-1. Ұлттық тіркеу куәлігі бар дәрілік заттың тауарлық атауына бекітілген шекті көтерме және бөлшек бағалары Еуразиялық экономикалық одақ (ЕАЭО) қағидаларына сәйкес тіркелген, бірдей өндірушісі, бірдей тауарлық атауы бар, дәрілік түрі, дозасы, концентрациясы, көлемі және өлшем-орамы бірдей дәрілік заттарға қолданылады.

2. Осы бұйрыққа 2-қосымшаға сәйкес Қазақстан Республикасы Денсаулық сақтау министрлігінің кейбір бұйрықтардың күші жойылды деп танылсын.

3. Қазақстан Республикасы Денсаулық сақтау министрлігінің Медициналық және фармацевтикалық бақылау комитеті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;