(БҰРЫНҒЫ РЕДАКЦИЯ) «МУЗЕЙ САЛАСЫНДАҒЫ ӘКІМШІЛІК ДЕРЕКТЕР ЖИНАУҒА АРНАЛҒ...

Музей саласындағы әкімшілік деректер жинауға арналған нысанды бекіту туралы
Қазақстан Республикасы Мәдениет және спорт министрінің 2023 жылғы 24 шілдедегі № 194 бұйрығы

Осы редакция 2026 жылғы 30 шілдеде енгізілген өзгерістеріне дейін қолданылды

«Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

1. Осы бұйрыққа қосымшаға сәйкес «Тұрақты сақтауға қабылданған мәдени құндылықтар туралы мәліметтер» музей саласындағы әкімшілік деректерін жинауға арналған нысанды бекітілсін.

2. Қазақстан Республикасы Мәдениет және спорт министрлігінің Мәдениет комитеті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық қолданысқа енгізілгеннен кейін үш жұмыс күні ішінде оны Қазақстан Республикасы Мәдениет және спорт министрлігінің интернет-ресурсында орналастыруды;

3) осы тармақта көзделген іс-шаралар орындалғаннан кейін үш жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

«Келісілді»

Қазақстан Республикасы

Стратегиялық жоспарлау

және реформалар агенттігінің

Ұлттық статистика бюросы

Қазақстан Республикасы

Мәдениет және спорт министрі

2023 жылғы 24 шілдедегі

№ 194 бұйрыққа

қосымша

Музей саласындағы әкімшілік деректерді жинауға арналған нысан

Қазақстан Республикасының Мәдениет және спорт министрлігіне ұсынылады.

Әкімшілік деректер нысаны интернет-ресурстарда орналастырылған: www.nmrk.kz, www.gov.kz./memleket/entities.mcs.

«Тұрақты сақтауға қабылданған мәдени құндылықтар туралы мәліметтер»

Есепті кезең: 20 _ жыл

Индекс: 1-КЦ

Жиілігі: жылдық