«Су қорын пайдалануды реттеу саласында мемлекеттік қызметтер көрсету қағидаларын бекіту туралы» Қазақстан Республикасы Экология, геология және табиғи ресурстар министрінің міндетін атқарушысының 2020 жылғы 11 қыркүйектегі № 216 бұйрығына өзгерістер мен толықтырулар енгізу туралы» Қазақстан Республикасы Су ресурстары және ирригация министрінің м.а. 2026 жылғы 9 сәуірдегі № 104-НҚ бұйрығы (2026.01.07. берілген өзгерістермен)

«Су қорын пайдалануды реттеу саласында мемлекеттік қызметтер көрсету қағидаларын бекіту туралы» Қазақстан Республикасы Экология, геология және табиғи ресурстар министрінің міндетін атқарушысының 2020 жылғы 11 қыркүйектегі № 216 бұйрығына өзгерістер мен толықтырулар енгізу туралы
Қазақстан Республикасы Су ресурстары және ирригация министрінің м.а. 2026 жылғы 9 сәуірдегі № 104-НҚ бұйрығы

(2026.01.07. берілген өзгерістермен)

БҰЙЫРАМЫН:

1. «Су қорын пайдалануды реттеу саласында мемлекеттік қызметтер көрсету қағидаларын бекіту туралы» Қазақстан Республикасы Экология, геология және табиғи ресурстар министрінің міндетін атқарушысының 2020 жылғы 11 қыркүйектегі № 216 бұйрығына (нормативтік құқықтық актілерді мемлекеттік тіркеу тізілімінде № 21194 болып тіркелген) мынадай өзгерістер мен толықтырулар енгізілсін:

1-тармақтың екінші, үшінші абзацтары 2026 ж. 25 сәуірде қолданысқа енгізілді

бұйрықтың кіріспесі мынадай редакцияда жазылсын:

«Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасы Заңының 10-бабы 1) тармақшасына сәйкес БҰЙЫРАМЫН:»;

көрсетілген бұйрықпен бекітілген «Арнаулы су пайдалануға рұқсат» мемлекеттік қызмет көрсету қағидаларында:

1-тармақтың бесінші, алтыншы абзацтары 2026 ж. 25 сәуірде қолданысқа енгізілді

1-тармақ мынадай редакцияда жазылсын:

«1. Осы «Арнаулы су пайдалануға рұқсат» мемлекеттік қызмет көрсету қағидалары (бұдан әрі - Қағидалар), «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасы Заңының (бұдан әрі - Заң) 10-бабы 1-тармақшасына сәйкес әзірленді және мемлекеттік қызмет көрсету тәртібін айқындайды.»;

2-тармақта:

1) тармақшасы мынадай редакцияда жазылсын: