«Қазақстан Республикасы Бас Прокурорының құқықтық статистика және арнайы есепке алу саласындағы кейбір бұйрықтардың және бұйрықтардың құрылымдық элементерінің күші жойылды деп тану туралы» Қазақстан Республикасы Бас Прокурорының 2026 жылғы 30 маусымдағы № 102 бұйрығы (қолданысқа енген жоқ)

Қазақстан Республикасы Бас Прокурорының құқықтық статистика және арнайы есепке алу саласындағы кейбір бұйрықтардың және бұйрықтардың құрылымдық элементерінің күші жойылды деп тану туралы
Қазақстан Республикасы Бас Прокурорының 2026 жылғы 30 маусымдағы № 102 бұйрығы

«Құқықтық актілер туралы» Қазақстан Республикасы Заңының 27-бабының 1-тармағын басшылыққа ала отырып БҰЙЫРАМЫН:

1. Осы бұйрыққа қосымшаға сәйкес Қазақстан Республикасы Бас Прокурорының кейбір бұйрықтардың және бұйрықтардың құрылымдық элементерінің күші жойылды деп танылсын.

2. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі - Комитет) заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеу;

2) осы бұйрықты Қазақстан Республикасы Бас прокуратурасының интернет-ресурсында орналастыруды.

3) осы бұйрықты құқықтық статистика және арнайы есепке алу мүдделі субъектілеріне, сондай-ақ Комитеттің аумақтық және оларға теңестірілген органдарына орындау үшін жіберуді қамтамасыз етсін.

3. Осы бұйрықтың орындалуын бақылау Комитет төрағасына жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы

Бас Прокуроры

2026 жылғы 30 маусымдағы

№ 102 бұйрығына қосымша