Әлеуметтік салық бойынша Декларация жасау ережелері (620.00-нысан) (Қазақстан Республикасы Қаржы министрлігінің Салық комитеті Төрағасының 2004 жылғы 8 желтоқсандағы № 625 бұйрығымен бекітілген) (күші жойылды)

ҚР Қаржы министрлігі Салық комитеті төрағасының 2005.12.12. № 554 Бұйрығымен күші жойылды

Қазақстан Республикасы

Қаржы министрлігінің

Салық комитеті Төрағасының

2004 жылғы 8 желтоқсандағы

№ 625 бұйрығымен бекітілген

Әлеуметтік салық бойынша Декларация жасау
ережелері (620.00-нысан)

1. Жалпы ережелер

1. Осы Ережелер “Салық және бюджетке төленетін басқа да міндетті төлемдер туралы” Қазақстан Республикасының Кодексінің (Салық Кодексі) 11-бөліміне сәйкес әзірленген және бюджетпен есеп айырысуды бір жолғы талондардың негізінде жүзеге асыратындарды қоспағанда, жеке кәсіпкерлердің, жеке нотариустардан, адвокаттардың (бұдан әрі - жеке тұлғалар) әлеуметтік салықты есептеуі мен уақтылы төлеуіне арналған Әлеуметтік салық бойынша декларацияны (бұдан әрі - Декларация) жасау тәртібін айқындайды.

2. Декларация жасау кезінде:

1) қағаз тасығышта - қалам немесе қаламұшпен, қара немесе көк сиямен, баспа белгілерімен немесе баспа құрылғысын пайдалана отырып толтырылады;

2) электрондық тасығышта-Салық кодексінің 69-бабына сәйкес толтырылады.

3. Декларацияны толтыру кезінде түзетуге, өшіруге және тазалауға жол берілмейді.

4. Көрсеткіштер жоқ болған кезде тиісті торкөздер толтырылмайды.

5. Декларацияны беру кезінде:

1) қағаз тасығышта келу тәртібімен екі данада жасалады, бір данасы салық органының белгісімен салық төлеушіге қайтарылады;

2) хабарламамен тапсырысты хатпен қағаз тасығышта почта бойынша - салық төлеуші почта немесе байланыстың өзге ұйымының хабарламасын алады;

3) Салық кодексінің 69-бабындағы 8-тармақтың 3) тармақшасына сәйкес келу тәртібімен немесе электрондық почта бойынша электрондық түрде- салық төлеуші Декларацияны қабылдау (жеткізу) туралы хабарламаны салық органында немесе электрондық почта бойынша алады.

6. Декларацияға Салық кодексінің 69-бабына сәйкес қол қойылады және куәландырылады.

2. Декларацияны жасау (620.00-нысан)

7. “Салық төлеуші туралы жалпы ақпарат” бөлімінде салық төлеуші мынадай деректерді көрсетеді:

1) салық төлеушінің тіркеу нөмірі;

2) Декларация берілетін есепті кезең. Декларацияны беру үшін есепті кезең есепті тоқсан болып табылады. Есепті кезең араб сандарымен көрсетіледі;