Кемелерді, салдарды және өзге де жүзу объектілерін тіркеп сүйреу ережесін бекіту туралы
Қазақстан Республикасының Көлік және коммуникациялар министрінің 2005 жылғы 25 қаңтардағы № 46-І бұйрығы
ҚР Көлік және коммуникация министрінің м.а. 2011 жылғы 6 тамыздағы № 496 бұйрығымен күші жойылды
«Ішкі су көлігі туралы» Қазақстан Республикасы Заңының 63-бабына сәйкес БҰЙЫРАМЫН:
1. Қоса беріліп отырған Кемелерді, салдарды және өзге де жүзу объектілерін тіркеп сүйреу ережесі бекітілсін.
2. Қазақстан Республикасы Көлік және коммуникация министрлігінің Су көлігі департаменті (Б.Қ.Уандықов) осы бұйрықты Қазақстан Республикасының Әділет министріне мемлекеттік тіркеу үшін ұсынсын.
3. Осы бұйрықтың орындалуын бақылау Қазақстан Республикасының Көлік және коммуникация вице-министрі Т.Б. Әбілғазинге жүктелсін.
4. Осы бұйрық ресми жарияланған күнінен бастап күшіне енеді.
Министр | Қ. Нағманов |
Көлік және коммуникация министрінің
2005 жылғы 25 қаңтардағы
№ 46-І бұйрығымен
бекітілді
Кемелерді, салдарды және өзге де жүзу объектілерін тіркеп сүйреу
ережесі
1-тарау. Жалпы ережелер
1. Кемелерді, салдарды және өзге де жүзу объектілерін тіркеп сүйреу ережесі (бұдан әрі - Ереже) «Ішкі су көлігі туралы» Қазақстан Республикасы Заңының (бұдан әрі - Заң) 63-бабына сәйкес әзірленді және кемелерді, салдарды және өзге де жүзу объектілерін тіркеп сүйреудің тәртібі мен шарттарын белгілейді.
2. Осы Ереже Қазақстан Республикасының ішкі су жолдарында жүзу кезінде барлық кемелерге, салдарға және өзге де жүзу объектілеріне олардың тиесілігіне қарамастан таралады.
3. Осы Ережеде мынадай ұғымдар пайдаланылады:
тіркеп сүйреу - бірге қосылған және арнайы өздігінен жүретін кеменің көмегімен жылжытуға арналған бір немесе бірнеше жүзу объектілерінің қозғалу процесі;
тіркеп сүйретілетін объект - тіркеп сүйреуге берілген кеме, сал және өзге де жүзу объектісі;