«Табиғи монополиялар субъектілерінің Мемлекеттік тіркелімінің республикалық бөлімі туралы» Қазақстан Республикасы Табиғи монополияларды реттеу агенттігі төрағасының 2005 жылғы 24 қаңтардағы № 16-НҚ бұйрығына толықтырулар мен өзгерістер енгізу туралы
Қазақстан Республикасы Табиғи монополияларды реттеу агенттігінің 2005 жылғы 18 ақпандағы № 56-НҚ бұйрығы
«Табиғи монополиялар туралы» Қазақстан Республикасы Заңының 13-бабы 1-тармағының 2) тармақшасына, 14-бабы 1-тармағының 2) тармақшасына және Қазақстан Республикасы Үкіметінің 2004 жылғы 28 қазандағы № 1109 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 18-тармағының 1) тармақшасына сәйкес бұйырамын:
1. «Табиғи монополиялар субъектілерінің Мемлекеттік тіркелімінің республикалық бөлімі туралы» Қазақстан Республикасы Табиғи монополияларды реттеу агенттігі төрағасының 2005 жылғы 24 қаңтардағы № 16-НҚ бұйрығына мынадай толықтырулар мен өзгерістер енгізілсін:
кіріспедегі «11-тармағының 18) тармақшасына» деген сөздер «18-тармағының 1) тармақшасына» деген сөздермен ауыстырылсын;
көрсетілген бұйрықпен бекітілген Табиғи монополиялар субъектілерінің Мемлекеттік тіркелімінің республикалық бөліміне:
«Мемлекеттік тіркелімнің реепубликалық бөліміне енгізу негізі» деген реттік нөмірі 1-жолдағы баған (бұдан әрі - 6-баған) және мәтін бойынша «табысы» деген сөздің алдынан «жылдық» деген сөзбен толықтырылсын;
«реттеліп көрсетілетін қызметтердің (тауарлардың, жұмыстардың) түрі» деген реттік нөмірі 11-жолдағы баған (бұдан әрі - 4-баған) мынадай редакцияда жазылсын:
«жай хаттарды, жай почталық карточкаларды, жай бандерольдерді жөнелту»;
реттік нөмірі 30-жолдың 4-бағанындағы «жылу» деген сөз «электр» деген сөзбен ауыстырылсын;
реттік нөмірі 39-жолдағы:
«табиғи монополиялар салалары» деген баған (бұдан әрі - 3 баған) мынадай редакцияда жазылсын:
«электр және (немесе) жылу энергиясын беру және (немесе) бөлу жөніндегі қызметтер, жылу энергиясын өндіру жөніндегі қызметтер, кірме жолдардың қызметтері, су шаруашылығы және (немесе) кәріз жүйелерінің қызметтері»;