(БҰРЫНҒЫ РЕДАКЦИЯ) ҚР ПРЕЗИДЕНТІНІҢ 2002 Ж. 26 СӘУРДЕГІ № 856 ЖАРЛЫҒЫ

Қазақстан халықтары Ассамблеясының стратегиясы мен Қазақстан халықтары
Ассамблеясының ережесі туралы Қазақстан Республикасы Президентінің
2002 ж. 26 сәуірдегі № 856 Жарлығы

Осы редакция 2005 ж. 23 сәуірдегі енгізілген өзгерістеріне дейін қолданылды

Қазақстан халқының бірлігін, қоғамдағы тұрлаулылық пен келісімді нығайтудағы Қазақстан халықтары Ассамблеясының рөлін одан әрі көтеру мақсатында қаулы етемін:

1. Қоса беріліп отырған:

1) Қазақстан халықтары Ассамблеясының стратегиясы;

2) Қазақстан халықтарының Ассамблеясы туралы ереже бекітілсін.

2. Қазақстан Республикасының Үкіметі Қазақстан халықтары Ассамблеясының стратегиясын іске асыру жөнінде тиісті іс-шаралар қолдансын және бұрын қабылданған шешімдерін осы Жарлыққа сәйкес келтірсін.

3. "Қазақстан халықтары Ассамблеясын құру туралы" Қазақстан Республикасы Президентінің 1995 жылғы 1 наурыздағы № 2066 Жарлығының және "Қазақстан халықтары Ассамблеясын құру туралы" Қазақстан Республикасы Президентінің 1995 жылғы 1 наурыздағы № 2066 Жарлығына өзгерістер мен толықтырулар енгізу туралы" Қазақстан Республикасы Президентінің 2000 жылғы 3 қазандағы № 450 Жарлығының күші жойылсын.

4. Осы Жарлық қол қойылған күнінен бастап күшіне енеді.

Қазақстан Республикасының

Қазақстан Республикасы

Президентінің 2002 жылғы 26 сәуірдегі

№ 856 Жарлығымен бекітілген

ҚАЗАҚСТАН ХАЛЫҚТАРЫ АССАМБЛЕЯСЫНЫҢ

ОРТА МЕРЗІМДІ КЕЗЕҢГЕ АРНАЛҒАН

СТРАТЕГИЯСЫ

(2007 жылға дейін)

Астана, 2002 жыл

1. ПАСПОРТЫ

     Атауы                   Қазақстан халықтары Ассамблеясының орта

                             мерзiмдi кезеңге арналған стратегиясы

                             (2007 жылға дейiн)