ҚР Ішкі істер министрінің
12.10.98 ж. № 343 бұйрығымен
бекітілген
Қазақстан Республикасында көлiк құралдарын
және олардың тiркемелерiн мемлекеттік тiркеудiң
Ережелері
(бұдан әрі - Ережелер)
(ҚР Ішкі істер министрінің 20.11.00 ж. № 614; 25.03.01 ж. № 249; 28.10.01
ж. № 762; 01.10.02 ж. № 632 бұйрықтарымен енгізілген өзгерістерімен)
Осы редакция ҚР Ішкі істер министрлігінің 2005 жылғы 26 сәуірдегі № 249 Бұйрығымен енгізілген өзгерістеріне дейін қолданылды
Жалпы қолданылатын автомобиль жолдарында жүруге арналған двигателiнiң жұмыс көлемi 50 куб. см. астам және ең жоғары конструкциялық жылдамдығы 50 км.сағ. артық көлiк құралдарын және олардың тiркемелерiн* тiркеу Қазақстан Республикасының қазiргi заңдары және Қазақстан Республикасы Yкіметінiң қаулылары мен басқадай нормативтiк-құқықтық актілері негiзiнде жүргiзiледi, жол қозғалысына, соның iшiнде халықаралық жол қозғалысына көлiк құралдарының қатысуына мемлекеттік рұқсат шарасы болып табылады. Ол көлiк құралдарының конструкциясы, техникалық ахуалы мен қондырғыларының қауiпсiздiк талаптарына сай келуiне бақылауды қамтамасыз ету, көлiк құралдарын сатып алу, алу, қолдану, басқаға беру, жарамсыздыққа шығаруда белгiлi тәртiптi сақтау, көлiк құралы иесiнiң мiндеттi салық төлеуiн, көлiктiң орталықтанған және аймақтық есебiн қамтамасыз ету, қылмысқа және басқадай құқық бұзушылыққа қарсы күрес мақсатында жүргiзiледi. _______________
* Бұдан әрi - көлiк құралдары
Осы Ережелерде мынадай түсiнiктер қолданылады:
- "көлiк құралдарын мемлекеттік тіpкey" - тиiстi заң актілеріне сәйкес Жол полициясының есепке алу, мемлекеттік тiркеу номерлiк белгiлерiн* және олардың жол қозғалысына қатысуын растайтын көлiк құралдарына ресми құжаттар беру қызметi; _______________
* Бұдан әрi - номерлiк белгiлер
- "тiркеуге өзгерiс енгізу" - тиiстi құқықтық негiз болғанда көлiк құралдарының есептiк мәлiметтерiне және құжаттарына өзгерістер мен қосымшалар енгізу;