14-ХБЕС Халықаралық бухгалтерлiк есеп стандарты
Сараланымдық есептiлiк
Осы стандарт 1998 жылғы 1 шiлдеден немесе осы күннен кейiн басталатын кезеңдердi қамтитын қаржы есептiлiгi үшiн күшiне енгiзiледi.
36-“Активтердiң құнсыздануы” ХБЕС-ның 116 және 117-параграфтарында есептiлiкте сараланым бойынша құнсызданудан болатын залалдарды ашып көрсету жөніндегі кейбір талаптар айтылған.
Кiрiспе
Осы стандарт (14-ХБЕС (қайта қаралған)) 14-“Қаржы есептiлiгiн сараланыммен ұсыну” (“бастапқы 14-ХБЕС”) ХБЕС ауыстырады. 14-ХБЕС (қайта қаралған) 1998 жылғы 1 шiлдеден бастап немесе осы күннен кейiн басталатын есептi кезеңдер үшiн күшiне енгiзiледi. Бастапқы 14-ХБЕС-нан негiзгi өзгешелiктерi мыналар болып табылады:
1. Бастапқы 14-ХБЕС бағалы қағаздары ашық рынокта айналымда жүрген кәсiпорындарға және экономикалық жағынан маңызды басқа да субъектiлерге қолданылады. 14-ХБЕС (қайта қаралған) үлестiк немесе қарыздық бағалы қағаздары ашық рынокта айналымда жүрген кәсiпорындарға, оның iшiнде үлестiк немесе қарыздық бағалы қағаздары бағалы қағаздардың ашық рыногына шығару барысындағы кәсiпорындарға қолданылып келдi, бірақ экономикалық жағынан маңызды басқа субъектiлерге қолданылған жоқ.