Азаматтық әуе кемелерін пайдаланушыларға қойылатын сертификаттық талаптарды бекіту туралы
Қазақстан Республикасы Көлік және коммуникация министрлігі
Азаматтық авиация комитеті төрағасының 2005 жылғы 22 маусымдағы № 127 Бұйрығы
ҚР Көлік және коммуникациялар министрінің 2011 жылғы 5 мамырдағы № 253 бұйрығымен күші жойылды
«Азаматтық авиацияны мемлекеттік реттеу туралы» Қазақстан Республикасының Заңына және Қазақстан Республикасы Үкіметінің 2004 жылғы 24 қарашадағы № 1232 қаулысымен бекітілген Қазақстан Республикасы Көлік және коммуникация министрлігінің Азаматтық авиация комитеті туралы ережеге сәйкес БҰЙЫРАМЫН:
1. Беріліп отырған Азаматтық әуе кемелерін пайдаланушыларға қойылатын сертификаттық талаптары бекітілсін.
2. Осы бұйрықтың орындалуын бақылау Көлік және коммуникациялар министрлігінің Азаматтық авиация комитеті төрағасының орынбасары Р.О. Адимолдаға жүктелсін.
3. Осы бұйрық алғаш рет ресми түрде жарияланған күннен бастап он күн өткен соң күшіне енеді.
Төраға
| А. Мәмбетов |
Көлік және коммуникация
министрлігі
Азаматтық авиация
комитеті төрағасының
2005 жылғы 22 маусымдағы
№ 127 бұйрығымен
бекітілген
Азаматтық әуе кемелерін пайдаланушыларға
қойылатын сертификаттық талаптар
1. Жалпы ережелер
1. Осы Азаматтық әуе кемелерін пайдаланушыларға қойылатын сертификаттық талаптар (бұдан әрі - Сертификаттық талаптар) Қазақстан Республикасы Үкіметінің 2003 жылғы 30 қаңтардағы № 106 қаулысымен бекітілген Азаматтық әуе кемелерін пайдаланушыларды және олар көрсететін қызметтерді сертификаттау ережесіне (бұдан әрі - Ереже) сәйкес әзірленді және азаматтық әуе кемелерін пайдаланушыларға оларды сертификаттау кезінде қойылатын талаптарды белгілейді. Сертификаттық талаптар жолаушыларды, жүктерді тасымалдауды және авиациялық жұмыстарды жүзеге асыратын тұлғаларға таралады.
2. Осы Сертификаттық талаптарда пайдаланылатын терминдер мен анықтамалар:
1) пайдаланушы - әуе кемелерін пайдаланумен айналысатын немесе осы салада өз қызметтерін ұсынатын заңды немесе жеке тұлға;