Ауыл шаруашылығы жануарлары мен балықтардың жұқпалы ауруларының алдын алу және жою
жөніндегі iс-шараларды жүзеге асырудың ветеринариялық ережелерiн бекіту туралы
Қазақстан Республикасы Ауыл шаруашылығы министрінің 2005 жылғы 31 тамыздағы № 518 Бұйрығы
ҚР Ауыл шаруашылығы министрінің 2012 жылғы 17 қаңтардағы № 10-1/18 бұйрығымен күші жойылды
«Ветеринария туралы» Қазақстан Республикасы Заңының 26-бабына сәйкес БҰЙЫРАМЫН:
1. Қоса берiлiп отырған:
1) үй қояндарының вирустық геморрагиялық ауруының алдын алу және жою жөніндегі iс-шараларды жүзеге асырудың ветеринариялық ережесi;
2) ет қоректi жануарлардың оба ауруының алдын-алу және жою жөніндегі iс-шараларды жүзеге асырудың ветеринариялық ережесi;
3) балықтардың жүзу жарғағы қабынуының алдын алу және жою жөніндегі iс-шараларды жүзеге асырудың ветеринариялық ережесi бекітілсiн.
2. Ветеринария департаментi Қазақстан Республикасы Ауыл шаруашылығы министрлігінiң облыстардағы және Астана, Алматы қалаларындағы аумақтық басқармаларымен бiрлесiп, заңнамада белгiленген тәртiппен, осы бұйрықтан туындайтын қажеттi шараларды қабылдасын.
3. Осы бұйрықтың орындалуын бақылау тиiстi әкiмшiлiк-аумақтық бiрлiктердiң мемлекеттік ветеринариялық инспекторларына жүктелсiн.
4. Осы бұйрық алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi.
Министр | А. Мырзахметов
|
Ауыл шаруашылығы министрінің
2005 жылғы 31 тамыздағы
№ 518 бұйрығымен бекітілген
Үй қояндарының вирустық геморрагиялық ауруларының
алдын алу және жою жөніндегі іс-шараларды жүзеге
асырудың ветеринариялық ережесі
Осы үй қояндарының вирустық геморрагиялық ауруларының алдын алу және жою жөніндегі іс-шараларды жүзеге асырудың ветеринариялық ережесі (бұдан әрі - Ереже) «Ветеринария туралы» Қазақстан Республикасы Заңының 26-бабына сәйкес, жеке және заңды тұлғалар орындау үшін міндетті ветеринариялық іс-шараларды ұйымдастыру мен жүргізудің тәртібін анықтайды.
1. Жалпы ережелер