(БҰРЫНҒЫ РЕДАКЦИЯ)

Кеден ісі саласындағы сыртқы экономикалық және өзге де қызметтерге
қатысушыларды тексеру туралы Қазақстан Республикасы Кедендік бақылау
агенттігі төрағасының 2003 ж. 17 мамырдағы № 213 бұйрығы

Осы редакция 2005 ж. 19 қыркүйектегі енгізілген өзгерістеріне дейін қолданылды

Қазақстан Республикасы Кеден кодексінің 59-тарауына сәйкес, кедендік бақылау жүргізудің тиімділігін арттыру мақсатында БҰЙЫРАМЫН:

1. Қоса беріліп отырған Кеден ісі саласындағы сыртқы экономикалық және өзге де қызметтерге қатысушыларды тексеру ережесі бекітілсін.

2. Кедендік кірістер департаменті (И.В. Тен) осы бұйрықтың іске асырылуын қамтамасыз етсін.

3. Құқықтық қамтамасыз ету басқармасы (И.Ы.Аңсарова) осы бұйрықтың мемлекеттік тіркелуін қамтамасыз етсін.

4. Баспасөз қызметі осы бұйрықтың бұқаралық ақпарат құралдарында жариялануын қамтамасыз етсін.

5. Осы бұйрықтың орындалуын бақылау Қазақстан Республикасының Кедендік бақылау агенттігі төрағасының орынбасары С.Ж. Мулкинге жүктелсін.

6. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.

Қазақстан Республикасының

Кедендік бақылау агенттігі

төрағасының

2003 жылғы 17 мамырдағы

№ 213 бұйрығымен

бекітілген

Кеден ісі саласындағы сыртқы экономикалық және өзге де

қызметтерге қатысушыларды тексеру

ЕРЕЖЕСІ

1. Негізгі ережелер

1. Осы, Кеден ісі саласындағы сыртқы экономикалық және өзге де қызметтерге қатысушыларды тексерудің ережесі (бұдан әрі - Ереже) Қазақстан Республикасы Кеден кодексінің (бұдан әрі - Кеден кодексі) 59-тарауына сәйкес әзірленді және олардың сақталуын бақылау Қазақстан Республикасының кеден органдарына жүктелген Қазақстан Республикасының кеден және өзге де заңдарын кеден ісі саласындағы сыртқы экономикалық және өзге де қызметке қатысушылардың (бұдан әрі - тексерілетін субъект) сақтауын бақылау мақсатында Қазақстан Республикасының кеден органдары жүзеге асыратын тексерулерді жүргізудің негізгі ережелерін айқындайды.