Азаматтардың жазаны орындау мекемелеріне келіп-кету ережесін бекіту
туралы Қазақстан Республикасы Әділет министрлігі Қылмыстық-атқару
жүйесінің комитеті төрағасының 2003 ж. 7 қаңтардағы № 6 бұйрығы
Осы редакция 2005 ж. 12 қазандағы енгізілген өзгерістеріне дейін қолданылды
Қазақстан Республикасы Қылмыстық-атқару кодексінің 21-бабын іске асыру және Қазақстан Республикасы Әділет министрлігі түзеу мекемелерінің қызметін жетілдіру мақсатында БҰЙЫРАМЫН:
1. Қоса беріліп отырған Азаматтардың жазаны орындау мекемелеріне келіп-кету ережесі бекітілсін.
2. Қылмыстық-атқару жүйесі комитетінің облыстар бойынша басқармалары, түзеу мекемелерінің бастықтары практикалық қызметте осы Нұсқаулықты мүлтіксіз басшылыққа алсын.
3. Осы бұйрықтың орындалуын бақылау Қазақстан Республикасы Әділет министрлігінің Қылмыстық-атқару жүйесі комитеті Төрағасының бірінші орынбасары әділет полковнигі Қ.М.Есқалиевке жүктелсін.
4. Осы бұйрық мемлекеттік тіркелген күннен бастап қолданысқа енгізіледі.
| Төраға
| П. Н. Посмаков |
Әділет министрлігі
Қылмыстық-атқару жүйесі
комитеті Төрағасының
2003 жылғы 7 қаңтардағы
БЕКІТІЛДІ
Азаматтардың жазаны орындау мекемелеріне
келіп-кету ережесі
1. Жалпы қағидалар
1. Өткізу режимі - Қазақстан Республикасы Әділет министрлігі қылмыстық-атқару жүйесінің жазаны орындау мекемесінің немесе органының аумағына адамдардың кіруі (шығуы), көлік құралдарының кіруі (шығуы), құжаттар мен бұйымдарды кіргізу (шығару) бойынша, сондай-ақ режимдік объектілердің аумағына арнайы рұқсат бойынша қылмыстық-атқару жүйесі (бұдан әрі - ҚАЖ) қызметкерлерінің, азаматтар мен өзге де тұлғалардың өтуі мен болуының тәртібін ұйымдастыру жөніндегі іс-шаралардың жиынтығы.
Өткізу режимі:
1) ҚАЖ режимдік объектілеріне, түзеу мекемелерінің (бұдан әрі - ТМ) режимдік үй-жайларына бөгде адамдардың басып кіруін;