Қазақстан Республикасының аудиторлығына кандидаттарды аттестаттау
жөніндегі біліктілік комиссиясы қызметін қалыптастыру
және жүзеге асыру ережесін бекіту туралы
Қазақстан Республикасы Қаржы министрлігінің 2006 жылғы 28 маусымдағы № 227 Бұйрығы
ҚР Қажы министрінің 2009 жылғы 19 наурыздағы № 115 Қаулысымен күші жойылды
«Аудиторлық қызмет туралы» Қазақстан Республикасы Заңының 7-бабының 8) тармақшасына сәйкес БҰЙЫРАМЫН:
1. Қоса беріліп отырған Қазақстан Республикасының аудиторлығына кандидаттарды аттестаттау жөніндегі біліктілік комиссиясы қызметін қалыптастыру және жүзеге асыру ережесі бекітілсін.
2. Мемлекеттік активтерді басқару әдіснамасы департаменті (М.Т.Мамашев) заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және ресми жариялануын қамтамасыз етсін.
3. Осы бұйрық 2006 жылғы 24 қарашадан бастап қолданысқа енгізіледі.
Министрдің міндетін
атқарушы
Қаржы министрінің
міндетін атқарушының
2006 жылғы 28 маусымдағы
№ 227 бұйрығымен бекітілген
Қазақстан Республикасының аудиторлығына кандидаттарды
аттестаттау жөніндегі біліктілік комиссиясы қызметін
қалыптастыру және жүзеге асыру ережесі
Осы Ереже «Аудиторлық қызмет туралы» Қазақстан Республикасының Заңына сәйкес әзірленді және Қазақстан Республикасының аудиторлығына кандидаттарды аттестаттау жөніндегі біліктілік комиссиясы қызметінің жалпы қағидаттарын және оларды қалыптастыру тәртібін белгілейді.
1. Жалпы ережелер
1. Қазақстан Республикасының аудиторлығына кандидаттарды аттестаттау жөніндегі біліктілік комиссиясын Құрылтайшылар болып табылатын аккредиттелген кәсіби аудиторлық ұйымдар (бұдан әрі - кәсіби ұйымдар) құрады.
2. Қазақстан Республикасының аудиторлығына кандидаттарды аттестаттау жөніндегі біліктілік комиссиясы (бұдан әрі - «Комиссия») Қазақстан Республикасының аумағында аудиторлық қызметпен айналысуға ниет білдірген аудиторлыққа кандидаттарды аттестаттау мақсатында құрылады.