Қазақстан Республикасының Үкіметі мен Еуропалық қоғамдастықтар комиссиясы арасындағы «2005 жылға арналған Орталық Азия бойынша ТАСИС іс-қимыл бағдарламасы (2-бағыт: ұлттық деңгейде іске асырылатын бағдарламаларды өңірлік қолдау) - Қазақстан» жөніндегі қаржылық келісім (Жоба) (2006 ж. 29 желтоқсан)

БІРНЕШЕ ЕЛДЕРДІ ҚАМТИТЫН БАҒДАРЛАМАЛАР БОЙЫНША ҚАРЖЫЛЫҚ КЕЛІСІМ

ҚР Үкіметінің 2006 жылғы 29 желтоқсандағы № 1333 Қаулысымен мақұлданды

АРНАЙЫ ШАРТТАР

Бұдан әрі «Комиссия» деп аталатын Еуропалық Қоғамдастықтар Комиссиясы ұсынған, бұдан әрі «Қоғамдастық» деп аталатын Еуропалық Қоғамдастық бір тараптан және бұдан әрі «Бенефициар» деп аталатын Қазақстан Республикасының Үкіметі екінші тараптан

ТӨМЕНДЕГІЛЕР ТУРАЛЫ УАҒДАЛАСТЫ:

1-БАП - ОПЕРАЦИЯНЫҢ МӘНІ МЕН МАҚСАТЫ

1.1. Қоғамдастық II қосымшадағы Техникалық және әкімшілік ережелерде жазылған бұдан әрі Бағдарлама деп аталатын 2005 жылға арналған Орталық Азия бойынша ТАСИС іс-қимыл бағдарламасы (2-бағыт: Ұлттық деңгейде жүзеге асырылатын бағдарламаларға өңірлік қолдау) - Қазақстан қаржыландыруға өз үлесін қосады¹.

____________________________

¹Бұл дата жақтармен келісілген жобаларды іске асыруға Еуропалық Одақпен бюджетті бөлген жылға қатысты

1.2. Бұл Бағдарлама қаржылық келісімге және оның қосымшаларына: Жалпы шарттар (І қосымша) мен Техникалық және әкімшілік ережелер (II қосымша) сәйкес орындалады.

2-БАП - ҚОҒАМДАСТЫҚТЫҢ ҚАРЖЫЛЫҚ ҮЛЕСІ

2.1. Бағдарламаның жалпы құны 3,4 миллион Евроға бағалануда.

2.2. Қоғамдастық ең көп дегенде 3,4 миллион Евро бөлуді міндеттенеді. Бюджеттік баптар бойынша Қоғамдастықтың қаржылық үлесін бөлу II қосымшаның Техникалық және әкімшілік ережелеріне қосылған бюджетте көрсетілген.

3-БАП - БЕНЕФИЦИАРДЫҢ ҮЛЕСІ

3.1. Бенефициар Бағдарламаға қаржылық үлес қоспайды.

3.2 Бенефициардың қаржылық емес үлесі бойынша Техникалық және әкімшілік ережелерде, қаржылық келісімге II қосымшада егжей-тегжейлі уағдаластықтар жасалады.

4-БАП - ОРЫНДАЛУ КЕЗЕҢI