Қызылорда облысының 2005-2007 жылдарға арналған өңірлік-экологиялық бағдарламасын бекіту туралы
Қызылорда облыстық Мәслихаттың 2005 жылғы 23 маусымдағы № 185 шешімі
Қазақстан Республикасы Президентінің 2003 жылғы 3 желтоқсандағы № 1241 Жарлығымен бекітілген «Қазақстан Республикасының 2004-2015 жылдарға арналған экологиялық қауіпсіздігі тұжырымдамасына», Қазақстан Республикасы Президентінің қатысуымен өткен Қазақстан Республикасы Үкіметінің 2004 жылғы 2 тамыздағы № 01-7.5 кеңейтілген отырысы хаттамасының шешіміне және «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6-бабының 1-тармағының 1-тармақшасына сәйкес облыстық мәслихат ШЕШІМ ЕТЕДІ:
Қоса беріліп отырған Қызылорда облысының 2005-2007 жылдарға арналған өңірлік экологиялық бағдарламасы бекітілген.
Облыстық Мәслихаттың төрағасы
2005 жылғы 23 маусымдағы
ХVІ сессиясының
№ 185 шешімімен
БЕКІТІЛГЕН
Қызылорда облысының 2005-2007 жылдарға арналған өңірлік
экологиялық бағдарламасы
Қызылорда, 2005 жыл
1. Бағдарлама төлқұжаты
Бағдарламаның атауы | Қызылорда облысының 2005-2007 жылдарға арналған өңірлік экологиялық бағдарламасы |
Бағдарламаны әзірлеудің негіздемелері | Қазақстанның 2030 жылдарға дейін даму стратегиясы, Қазақстан Республикасының 2003 жылғы 3 желтоқсандағы № 1241 «2004-2015 жылдарға арналған экологиялық қауіпсіздігінің Тұжырымдамасы» және Үкіметтің 2004 жылғы 2 тамыздағы № 01-7.5 Қазақстан Республикасы Президентінің қатысуымен өткен кеңейтілген отырысының хаттамалық шешімі |
Жауапты әзірлеуші | Қызылорда облысының табиғи ресурстар және табиғат пайдалануды реттеу департаменті |
Бағдарламаның мақсаты | Өңірде экологиялық қауіпсіздікті қамтамасыз ету, шаруашылық және өзге де іс-қимылдың табиғи экологиялық жүйелерге зиянды әсерін болғызбау, биологиялық алуан түрлілікті сақтау мен табиғатты ұтымды пайдалануды ұйымдастыру, қоршаған ортаның ластану деңгейін төмендету және оны сауықтыру |