«Егістіктің жойылған алқаптарын анықтау әдістемесін бекіту туралы» Қазақстан Республикасы Ауыл шаруашылығы министрлігінің 2007 жылғы 14 мамырдағы № 316 Бұйрығы (2010.12.07. берілген өзгерістер мен толықтырулармен) (күші жойылды)

Егістіктің жойылған алқаптарын анықтау әдістемесін бекіту туралы
Қазақстан Республикасы Ауыл шаруашылығы министрлігінің 2007 жылғы 14 мамырдағы № 316 Бұйрығы

(2010.12.07. берілген өзгерістер мен толықтырулармен)

ҚР Ауыл шаруашылығы министрінің 2020 жылғы 20 қазандағы № 321 бұйрығымен күші жойылды

ҚР Ауыл шаруашылығы министрінің 2010.12.07. № 443 Бұйрығымен тақырыбы өзгертілді (бұр.ред.қара)

«Өсімдік шаруашылығындағы міндетті сақтандыру туралы» Қазақстан Республикасының заңына өзгерістер мен толықтырулар енгізу туралы» Қазақстан Республикасының 2006 жылғы 7 шілдедегі заңын орындау мақсатында БҰЙЫРАМЫН:

1. Қоса берілген:

1) Егістіктің жойылған алқаптарын анықтау әдістемесі;

2) ҚР Ауыл шаруашылығы министрінің 2010.12.07. № 443 Бұйрығымен алып тасталды (бұр.ред.қара)

2. Егіншілік және фитосанитарлық қауіпсіздік департаменті (А.А. Буць) заңнамада белгіленген тәртіппен осы бұйрықты Қазақстан Республикасының Әділет министрлігінде мемлекеттік тіркеуді қамтамасыз етсін.

3. Осы бұйрық алғаш ресми жарияланған күнінен бастап он күнтізбелік күн өткен соң қолданысқа енгізіледі.

Қазақстан Республикасы

Ауыл шаруашылығы министрінің

2007 жылғы 14 мамырдағы

№ 316 бұйрығымен

бекітілген

Егістіктің жойылған алқаптарын анықтау әдістемесі

1. Жалпы ереже

1. Егістіктің жойылған алқаптарын анықтаудың осы әдістемесі (бұдан әрі - Әдістеме) Қазақстан Республикасының 2004 жылғы 10 наурыздағы «Өсімдік шаруашылығындағы міндетті сақтандыру туралы» Заңының 5-бабының 2-тармағының 10) тармақшасына сәйкес әзірленген және қолайсыз табиғат құбылыстарының немесе олардың жиынтығының басталу нәтижесінде сақтандыруға жататын ауыл шаруашылығы дақылдарының зақымданған немесе жойылған алқаптарын анықтау әдістерін белгілейді.