Қазақстан Республикасының Еңбек кодексін іске асыру жөніндегі шаралар туралы
Қазақстан Республикасы Прмеьер-Министрінің 2007 жылғы 5 шілдедегі № 178-ө Өкімі
1. Қоса беріліп отырған Қазақстан Республикасының 2007 жылғы 15 мамырдағы Еңбек кодексін іске асыру мақсатында қабылдануы қажет нормативтік құқықтық актілердің тізбесі (бұдан әрі - тізбе) бекітілсін.
2. Орталық атқарушы және өзге де мемлекеттік органдар:
1) тізбеге сәйкес нормативтік құқықтық актілердің жобаларын әзірлесін және Қазақстан Республикасының Үкіметіне бекітуге белгіленген тәртіппен енгізсін;
2) тізбеге сәйкес тиісті ведомстволық нормативтік құқықтық актілерді қабылдасын және қабылданған шаралар туралы Қазақстан Республикасының Үкіметін хабардар етсін;
3) Қазақстан Республикасының Еңбек кодексіне сәйкес келтіру мақсатында бұрын қабылданған заңға тәуелді нормативтік құқықтық актілерге тексеру жүргізсін және тиісті шаралар қабылдасын.
Қазақстан Республикасы
Премьер-Министрінің
2007 жылғы 5 шілдедегі
№ 178-ө өкімімен
Бекітілген
Қазақстан Республикасының 2007 жылғы 15 мамырдағы
Еңбек кодексін іске асыру мақсатында қабылдануы қажет
нормативтік құқықтық актілердің
тізбесі
Ескертпе: аббревиатуралардың толық жазылуы:
Еңбекмині - Қазақстан Республикасы Еңбек және халықты әлеуметтік қорғау министрлігі
ДСМ - Қазақстан Республикасы Денсаулық сақтау министрлігі
ЭБЖМ - Қазақстан Республикасы Экономика және бюджеттік жоспарлау министрлігі
Қаржымині - Қазақстан Республикасы Қаржы министрлігі
ИСМ - Қазақстан Республикасы Индустрия және сауда министрлігі
ККМ - Қазақстан Республикасы Көлік және коммуникация министрлігі
АШМ - Қазақстан Республикасы Ауыл шаруашылығы министрлігі
МАМ - Қазақстан Республикасы Мәдениет және ақпарат министрлігі
ЭМРМ - Қазақстан Республикасы Энергетика және минералды ресурстар министрлігі
БҒМ - Қазақстан Республикасы Білім және ғылым министрлігі
СА - Қазақстан Республикасы Статистика агенттігі
АБА - Қазақстан Республикасы Ақпараттандыру және байланыс агенттігі